خدمت غير اليوم مبرجة راهي سخونة تفضلو معاها معمول و حلوى بالمعجون و رقائق جوز الهند ..
نتمنى ينالو إعجابكم ..
والله لبراج طيبين
|
السلام عليكم
اهلين اخي سفيان باين عليك من عشاق لبراج كيفي هههه ، الله يسلمك اخي ..
ركزيلي على مانتيكا راهي تبان بزاف شابة
شكرآ.
|
اهلين اختي العزيزة.
الله يسلمك تعيشي . 
|
اهلين اختي العزيزة
هاهم بداو يبانو عشاق لبراج هههه شكون لي ميحبهمش ..
تحياتي
حنا مانخدموهمش بصح ذقتهم عند جارتي جاو تحفة
ان شاءالله نجربهم في هذ الايامات
بصحتك اختي وبارك الله فيك
يم على هديك المبرجة راها تغير
يعطيك الصحة وبصحتكم آختي ^^ تبارك الله عليك
|
اهلين اختي
جربيهم و متندميش راهم يجو تحفة و اذا حبيتي هاهم المقادير لي نتبعهم دائما و يجي يذوب في الفم:
*باطة مرغرين صول 250غرام من الاحسن لانها مدسمة مافيهاش الماء كتير دوبيها ورجعيها في باطتها نعتبروها كيلة +نصف الكيلة زيت+4كيلات سميد رقيق+نصف كيلة فرينةوملح و شوية سكر قيس مغرف ماكلة و تبسيهم مليح وخليهم يرتاحو و حضري الغرس اذا لقيتيه يابس و يغبنك في التنقية فوريه راح يطرا و يجيك ساهل كي تنقيه من العضام و ضيفيلو شوية قرفة و شوية جلجلان و مغرف ماكلة زيت و اخدميه مليح .
تخلي شوية من خليط السميد باش ترشي بيه طاولة العمل و الباقي رشيه بالماء حتى يتجمل و الباقي معروف .هاذي المقادير تخدملك كمية معتبرة.تقدري تنقصي .