اعتذر لتاخري في تنزيلها وسامحيني اختي ميمي وكل الاخوات اللي طلبوها مني
في العادة نعملها بلاما نعمل مقياس اي عيني ميزاني 
خذي صحن حطي فيه كمية من الماء تقريبا كاس معمر ويكون دافئ اضيفي له نصف مغرفة صغيرة خميرة الخبز ثم اضيفي الفرينة حتى تبدى تعقد شوية ثم اضيفي مغرفة كبيرة سكر وواحدة حليب غبرة وزازت ليمون
وخلطيهم مليح ثم اضيفي 1خمارة حلوة ستلاحظين ارتفاع العجين ويخفاف ليه ليه استناي العجينة تريح نصف ساعة وقبل ما تبداي تقلي اضيفي بيضة وعاودي مزجيها مليح
خذي مغرفة صغيرة باش تشكلي وكاس زيت حداك قبل ما تقطعي العجين اغمسيها في الزيت وهكذا وعند القلي الزيت تكون على نار دليلة حتى تحطي اللقيمات ثم زيدي في قوة النار باش تتحمر كيف كيف
في النهاية غطسيها في العسل وعصري عليها شوية قارص وزينيها كما تشائين 
دعوة خير تكفيني اللهم اشفي مرضى المسلمين يارب
|
الله يسلم اختي خديجة ويعافيك من كل شر
العجينة تعمليها كيما نشكلو قرصات المسمن او الفطير ولكن بحجم صغير وتنزعيها بالمغرف صغيرة شمختيها من قبل في الزيت وتحطيها مباشرة تتقلى باش تخرج على شكل دائري وبنفس الحجم والشكل
……………….
بارك الله فيك و جزاك خيرا على الوصفة
و ربي يشفي مرضانا و جميع مرضى المسلمين
شفاءا تاما لا يغادر سقما امين يا رب
البارح برك قرينا في درس الحلويات هده الوصفة نفس المقادير لكن طريقة العمل تختلف
راح نجرب نتاعك متاكدة انها تنجحلي
كوثر بنتي كي شافتها قاتلي ماما ديريهالنا
الله يشافيك و يعافيك و يعطيك صحتك و يخليلك وليداتك
عجبتني الوصفة بربي نسييها
شكرا اااااااا