العيش بلخليع من مطبخي 2024.

اليوم جا وقت العيش بالخليع اراوحو تذوقو معايا
زعم ما تعرفوش العيش هههه وممكن كاينين بعض المناطق ما يعرفوهش
اولاو نشمخو لخليع في الما حوالي ربع ساعة او اكثر اذا يابس بزاف انا تاعي ما خلتوش يبس لاني حطيتو في المجمد
بعد ذلك نداويو البرمة تاعنا بصل تحبو ترحيوه ولا تقطعوه رقيق انا قطعتو
بطاطا جزر واي خضر تحبوها طبعا التوابل لي مالفين تحطوهم في العيش فلفل اسود بابريكا
طماطم مصبرة واذا كاينة طمامطم حب يابسة يكون احسن
انا ما عنديش رغود كش مكاين طماطم يابسة تسلفيلي
الفلفل الاحمر اليابس ولا الاخضر
الملح لازم تحطيه بعد ما تغلي البرمة لانو لخليع مالح ويطلق الملح فحذاري
الزيت
نخليكم مع الصور

ملاحظة:الخضر نحطوهم بعد ما يطيب القديد هاك ما يذوبوش في المرقة

نجيو للعيش تاعنا من الاحسن العيش المفتول باليد انا خلصلي درت تع الحانوت

ندهنو العيش بالزيت ونحطوه يفور من بعد نغسلوه بالما ونقطروه ونخليوه يشيح شوية من بعد نزيدو نرشوه بشوية زيت ونحكوه بين يدينا ونعاودو نفوروه وهاد المرة نبخوه برك بقليل من الما نكررو العملية مرتين او ثلاثة حتى يطرا العيش

وفي نفس الوقت نلقاو المرقة تاعنا وجدت نبداو نطيبو

ان شاء الله يعجبكم
ملاحظة: حنا العيش تع لخليع لازم يجي شوية ناشف باه يطلق البنة

يما يما يشهي يعطيك الصحة
العيش الشاوي على أصولو

مقلتليش الخطرة لفاتت الافضل يجي ناشف – 2
كاينة الطماطيش شيري برك نهار تعاودي طيببيه

و يا يما على ديك الصورة و هو يبكبك

تسسسسسلم الايادي حدودة.