حيث ان في وقتنا هذا انقلبت الامور في مجتمعنا وصار معظم الناس يتزوجون باكرا مثلا فالولد يتزوج في السن ٢١ او ٢٢ والفتاة في السن ١٤ او ١٥ !!
ينتج عن هده الظاهرة عدة مشاكل مثلا الطلاق منذ الشهر الاول او حتى الاسبوعين الاولين فالفتاة عندما تكون صغيرة وليست ناضجة بما فيه الكفاية فبالتأكيد سوف تتصرف مع زوجها بغرابة وترد له الكلام وتشتمه …الخ وكذلك ينتج عن ذلك عدة مشاكل عائلية واجتماعية بين الزوجين.
ومن اسبابه : الطيش والرغبة في الزواج ، عدم اهتمام الاسرة بالبنت او بالولد وعدم التفكير في المستقبل .. وعدة اسباب اخرى .
هذه الظاهرة تفسد مجتمعنا وتشوه صورته لذلك علينا الحذر منها.
بالتوفيق بالمسابقة
الزواج المبكر عندو سلبياتو و ايجابياتو ، من حيث الايجابيات اهم شيئ يقولو نجيبو لولاد على الصغر باش نكبرومعاهم خير ،لكن السلبيات كيما قلتي اختي العزيزة تتعدد ابسط شيئ العقلية تاع الطفلة تكون صغيرة و مش واعية و ناقصة بزاف مسؤولية و متقدرش معنى الزواج هي متصورا راح تعيش في الاحلام هذاك القصر لي بناتو قبل زواجها راح يتهدم بمرور الايام و تنصدم بالواقع تاع الكنة عندنا وراكي عارفة واجباتها و ما عليها يعني تتحمل مسؤولية كبيرة مش قدها.
اما الراجل و الا نقول الطفل لي يخشانلو الصوت يقول راني خلاص راجل لازملي مرا كلي الرجولة في المظهر فقط يديه هذاك الزف تاع لومبيونس تاع عرسو و شهر العسل ووووو و….من بعد اواه يجو الذراري و المسؤولية و التربية و الدوا وووووو …..و تتخلط عليه الحالة و الهربة وين يرجع نادم على النهار لي خمم فيه الزواج .
الزواج حياة اخرى مسؤولية كبيرة و حياة معقدة تتطلب جهاد و كفاح الزوج و الزوجة مع بعض في الحلوة و المرة .
شكرا اختي على الطرح بالتوفيق.
هناك من يكون في السن 22 و تجده ناضج وهناك من في السن 30 وتجده في سن المراهقة
و الامر ينطبق ايضا عن الفتاة .
و تبقى هده وجهة نظري
شكرا لكي اختي على الموضوع
بارك الله فيك
موضوع جيد أختي الكريمة
الزواج المبكر زمان كان عادي بل أكثر من ذلك
اللي ما يتزوجش صغير يقولو عليه باير سواء كان ذكر أو أنثى
ومزال الأمر مطبق في بعض المناطق مثل بلاد القبائل أو الشاوية…
أو إذا كان الرجل ميسور الحال ويستطيع التكفل بمصاريف الزواج
الجيل تع دركا لو كان بيدو راه تزوج صغير مي الظروف دايما ما تكون له بالمرصاد
طبعا الزواج المبكر في وقتنا الان يختلف
تلقى الفتاة غير ناضجة وأيضا الشاب
وهذا راجع للتنشئة اللي تلقاوها فالأسرة ،،
تحكيلي ماما على خالي الكبير قاتلي كي كمل 18 سنة جدي عطاه المسؤولية تع الدار
مقالوش اخدم على الدار مي كان يمدلو الدراهم ويقلو دبر راسك اصرف انت على الدار ولازم يكفيوك
بعدها توفى جدي الله يرحمو وخالي لقا روحو قادر على مسؤولية تع خاوتو وامو ،،
وكي تزوج كان صغير يعني 22 هكداك وتهلى في دارو وكلشي
مي الجيل تع درك ما يديروش هكا ،، تلقى الأب يبقى يتصرف في ولادو ويسيطر عليهم حتى بعدما يوليو بشلاغمهم
وما يربيهمش على تحمل مسؤولية دار ،، ونهار يحل فمو ويقول نتزوج يشبع فيه تبهديل ،،
انت ماكش مسؤول على روحك تجيب مرا تضيعها …الخ من الكلام المحبط والمثبط
طبعا مش الكل
وحتى بعض لبنات تلقاها 18 سنة متعرف دير والو ،، لا امها وقفت عليها وعلمتها ،، ولا هي حابة تتعلم
وقاعدة تبع غير في آخر صيحات الموضة والمسلسلات الكورية والتركية …الخ
عندنا واحد من لافامي تزوج 24 سنة ومرتو 19 سنة
تحكي امو لماما قاتلها البطاطا متعرفش تقليها ،، مرة دارتلو بطاطا مقلية جى ياكلها لقاها خضرة تتغزغز
ايا مقدرش يقولهالها صحا صحا في وجهها ،، مي من الحرقة اللي في قلبو قال لامو : انا مشروعي فاشل (قصدو مشروع الزواج)
وتقوم القيامة بينهم ، قاتلها طيشت ابنها فالصالون وهي وياه فالشمبرة دارو حرب
جى خوه لكبير لقاهم كي القط والفار حكمهم في زوج من ودنيهم وقالهم "تحبسو العشة اللي راكم دايرينها ولا نحكمكم في زوج نصطركم بطريحة"
هههههههههههههههههههههههههههههه ههههه انا مين سمعت لحكاية مت بالضحك
أنا في رايي أنسب سن للزواج هو 25 فما فوق سواء للفتاة ولا للشاب
حتى لو كانو متهيئين نفسيا وماديا لهاد المسؤولية لكن النضح هو اللي يحافظ على استقرار العائلة
في رايي انسب سن للزواج هو 25 فما فوق وشكرا على الموضوع
الزواج المبكر في وقتنا مجرد لعبة
خاصة المرى كي تعود ماش ناضجة راهي راح تغلط بزاف
والراجل كيف كيف لي ميقدرش يتحمل المسؤولية غير مكنلاه
كيما قالت مينات 25 سنة فما فوق
العمر المناسب للزواج لانو منقدروش نقارنو بين جيل زمان مع جيلنا
جيل زمان 17 سنة راه راجل بمعنى الكلمة وحنا درك 30 سنة راه مازال عقليتو دراري
بالتوفيق ان شا اءلله
أنا شخصيا ضد فكرة الزواج المبكر لان كل من الفتاة والشاب لهم ميولات وطموحات
وبالتالي عليهم بالتريث قليلا
تحياتي
بالتوفيق
نقلك اختي بلي الزواج دركا اغلبية الناس تتزوج في سن 25 والفوق وكاين الاحصائيات
اما عن هذا الزواج
فالنبي لم يحدد اي شيء ولكنه قال **يامعشر الشباب من بلغ منكم البائة فليتزوج**
اي اللي قدر على شقاه يزواج وهنا السن لا يرتبط الا بالشخصية ومدى نضج المتزوج كيما سبق وقال الاخ نجيب
سلاام.
على كل شكرا على الموضوع