السلام عليكم و رحمة الله تعالى و بركاته
اليوم جبتلكم الخبيز . . .
اذا تعرفوه 
هو مثل السبانخ و لكن شكلو دائري . . . سموه كذلك الpيتشاك كي يكون صغير و لما يكبر يولي خبيز .
.
ههههههههههههه
المهم نجيبوه سواء نشروه او نقلعوه من البحاير
نغسلوه مليح و نقوه مثل السبانخ و نقطعوه رقيق
و نرمو عادي في كوكوت بصل و جزر و كابوية و طماطم مصبرة و فلفلة حمراء و حرور و الماء
و نحطوا الخبيز . . .
مين يولي نص طياب نحط التشيشه . . .
و نخليه يكمل طياب و نزيدو الثوم و فلفل حار حتي يشرب كامل الماء
من قلب الحدث
ذوقو رهييييييب الكل يحبو 
انا رايحة نخلعهم ونخدمه هه
مشكور اختي ع الوصفة دمت
المهم باين عليه شباب ان شاء الله كي نعرفو نجربو من طريقتك يا الغالية
يعطيك الصحة اختي
w rani metwahchatouuuuuuu 3lah tfakri fiya 3lah bsahatkom rah yban bniiiiine bzzzzaaaf takloh basaha
يعطيك الصحة شوقتيني نذوقو هههه
sah bayan bnin ya3tik saha
mi hna mana3arfohch w jami tayabnah
ranni t3alamto manak chokran habibti
مبرسيييييييييييييييييييي
انا جامي سمعت بيه
وشوقتني باه نعرفو
ميرسي
على المعلومة ا
وعلى الوصفة ياشطورة
بارك الله فيكم شكرااا لتواجدكم
الاغلبية ماتعرفش لخبيز .كنت نحسب كامل يعرفوه . . او ممكن عندو اسم اخر
المهم هو هذا وقتو كل عام نطيبوه
و هذه بعض المعلومات عليه
التركيب الكيميائى لنبات الخبيز
يحتوى نبات الخبيز على( فيتامينات A- B- C -،اسيدز ، لعاب نباتى ، حمض الساليسيليك ،كويرسيتين ،الهليونين ،ألثين ،أنثوثيانات )
الفوائد الطبية لنبات الخبيز
يستخدم نبات الخبيز فى علاج الامراض الصدرية والمتمثلة فى الكحة وطرد البلغم و التهابات الصدر المزمنة والربو .
يفيد نبات الخبيز فى علاج امراض الجهاز التناسلى فهو يعمل كمدر للبول ويخفف التهابات المثانة والمسالك البولية.
يساعد نبات الخبيز على تخفيض ضغط الدم المرتفع ومعالجة الحمى المزمنة.
يفيد نبات الخبيز بحيث يستخدم كملين للاطفال الصغار .
يعمل نبات الخبيز على علاج عسر الهضم وتحسين أداء المعدة.
يفيد نبات الخبيز فى علاج التهابات المرىء وانتفاخ الرئتين.
يساعد نبات الخبيز على التخلص من التهابات الغشاء المخاطى البلعومى والحنجرة .
يستخدم نبات الخبيزة كطعام لذيذ يحتوى على العديد من الفيتامينات التى يحتاجها الجسم يوميا .
يعمل نبات الخبيز على تخفيف الالام وكمضاد للجروح والتقرحات مثل الام البواسير .
يستعمل نبات الخبيزة للوقاية من التهابات الفم والاسنان والحل.
يفيد نبات الخبيز فى تحسين وتهدئة الامراض الجلدية المتنوعة مثل الدمامل والاكزيما.
يساعد نبات الخبيز على التخلص من ألام الجفن وعلاج الرمد الذى يصيب العين .
بصح أنا الصراحة ما نعرفش نطيبو
الأم تاعي هي اللي كانت تطيبو
طريقتكم جديدة عليا ومغدية وتليق لهاذ البرد
يعطيك الصحة وبصحتكم