هاأنا أوفي بالوعد اختي أم مسك
و إليك حلوة القلب بالقلبةو التي إستوحيت شكلها من حلوى باللوز كانت على النت فقررت عمل حلوى شبيهة لها
و المقادير كالتالي
500غ مرغرين فراح أو لذيذ
2ساشي تاع فلان لويا يعني 100غ و الأفضل ذوق فريز مع إضافة القليل من عطر الفراولة و الملون الاحمر فقط قطرات
2 خميرة كيميائية
300غ حلوة الترك مفتتة
2 صفاربيض
قرصة ملح طبعا
تزيتن قلاصاج
و عجينة اللوز التي تباع في الاسواق الحبات الفضيةملون وردي
كريمة الزبدة جاهزة
ننتقل إلى طريقة التحضير
نخلط الزبدة جيدا مع الفلان تم نضيف الصفار و نضيف قطرات من الملون و عطر الفراولةنخلط جيدا مع إضافة حلوة الترك نخلط و نضيف الصفار تم نلم بالفرينة و نضيف الخميرة الكيميائية نتركهت ترتاح10د تم نحلها و نطبع قلوب متوسطة الحجم نعملها تطيب بعدما تبرد الحلوىنلصق كل إثنين بكريمة الزبدة تم نعمل قلاصاج بياض البيض المعروف طبعا لكن يكون خفيف و دلك باضافة عصير حبة ليمون و يكون لون القلاصاج و ردي فاتح و نغطس كل حبتين ملتصقتين فيه و يكون لونه وردي فاتح نتركه يجف تم نبدأبالإشتغال بعجينة اللوز بعدما تعجن السكر رطب نحلها على بلاستيك لتسهيل العمل و تكون رقيقة تم نقطع قلوب بنفس الطابع اللي قطعنا بيه العجين مع لف أخر القلب بحيت يصبح لدينا لفة في أخر القلب تم نعمل أزهار بالطوابع المخصصة و يكون لونها أفتح قليلا من لون القلاصاج و في كل وسط وردة نحط تلات حبات متلاصقة من الحبات الفضية
و الله شكلها يجي رائع مهما قلتلك روعة روعة
هل هذه الصورة تشبه حلوة المذكورة
هاد الحلوى التي غقتبست منها شكل الحلوى الل يطرحتها الان
غير ان العجين يختلف و التزين احمل من هدا لأن فيه قلاصاج و مكان الوردة فوقو ليس في الاسفل
شكرا لك على الصورة
بخصوص كريمة الزبدة ماعقلتهاش كيفاش دايرة وهل هي موجودة بالاسواق
واذا ما لقيتهاش وش ندير في مكانها
|
250غ زبدة طرية ذربيها قي ضراب كهربائي
ثم اسكبي بشوية ناسلي و انت تضربي حتى تتحصلي على كريمة حلوة و رطبة
مش لازم تكملي العلبة عينك هي ميزانك