بعد طرحنا للحلقة الأولى من سلسلة
سلسلة House wife نظيف ومرتب
الحلقة الأولى من سلسلة House wife نظيف ومرتب -من إعدادي-
نطرح اليوم الحلقة الثانية
واللي هي عن تنظيم الأدراج
اللي هبلوني
نحط حاجة كي نجي نحوس نلقى ألف حاجة ومنلقاش الحاجة لي راني نحوس عليها
فقررت أني نزين لي pورت مونجي لي عندي
بالتيلو لي زينت بيه جهازي ومالقيت واش ندير بيه 
فخرجت بهاذ النتيجة
وحدة درت فيها الماكياج ولوازمه
ووحدة لميت فيها القراعي تاع الشومبوان ولي كرام …وجال دوش الخ الخ
ووحدة لميت فيها لوازم الشعر هاذوك الرقاق لي يضالو يتخلطو ويتودرو 
شوفوهم وهوما فوق بعض شجال بوgوصين
وياعيني عليهم كي حطيتهم داخل الدرج
وتاني جبت علبة فارغة وجمعت فيها الصابون وبعض العلب لي كانو مدوخيني وزينتها
وعدلتو في الدرج
بقالي شوي تيلو
لفيتو على بعض الحاجات لي مارانيش نستعمل فيهم ودرت فيهم وردة
وخبيتهم في الدرج
وخلصت
عادت نفسيتي مرتاحة كي نفتح الأدراج ونلقى الحاجة لي نحوس عليها دون عناء
نتمنى تفيدكم افكاري البسيطة
الديكور راه يخلي النفس ترتاح والفوضى تزيد على العبد
في أمان الله
نلتقي في العدد القادم ان شاء الله
أفكار مدهشة من ربة منزل مميزة
شكرا لك
بالتوفيق لك
زيدي حوسي هنا و هنا كاش ماتلقاي
|
مساء النور شكرا اختي
نورتِ الموضوع
أفكار رائعة و تطبيقها سهل
لي تبغي بيتها يكون نظيف خاصة غرفة النوم أكيد راح تعمل بيها
حتى العلب نتاع سبابيط و الدروات و غيرها تقدري تستفادي منهم في جمع الأشياء
مشكورة في ميزان حسناتك
وعَليْكم السَلآم ورَحمَة اللهِ وبرَكآته
مآشآء الله عليكِ سآندي مدبرَة بيتْ شآطرةْ
أفكآرْ رآئعة توفرْ علينآ عنآءْ البحْث خآصةُ بالنسْبة لمسّآكآت الشعرْ
يعْطيكِ الصحة أختِي وننتظرْ بقيّة الحلَقآتْ <3
بالتوفيق
ماشاء الله عليك شوشو حبيبتي
فكرة رووووعة
مام انا هاك مخبية حوايجي في العلب
فكرة روووووعة
يعطيك الصحة الزينة راكي فوووور واصلي
من بعد نظبق هدي الفكرة ان شاء الله
يعطيك الصحة ساندي
نعرفك مرا ونص
حاجة ماتغيب عليك