السلام عليكم
اليوم جبتلكم طريقتي في صنع الحريرة
نقولكم اولا السر في نجاحها
لازم تكون التوابل خاصة لها تباع عند العطار
بالاظافة الي القصبر خصوصا لمزرع تجي بيه هايلة
نبدا علي بركة الله
بسم الله
قليت دجاج في شوية زيت ثم اظفت حبة بصل ثلاث حبات جزر حبة طماطم حبة بطاطا حبة كوسا شوية حمص ما شي بزاااف علي الاكثر عشرين حبة
علي فكرة البطاطا و الكوسا منطحمهمش نحيهم كي يطيبو
نزيد للخليط التوابل
ملح فلفل احمر فلفل اسود و لا ابيض زنجبيل راس الحانوت الخاص بالحريرة
طماطم مصبرة
جومبو
و قليتهم مليح حتي تدخل التوابل في الخضرة و الدجاج
و اضفت للخليط القصبر ثم مرقت عيني ميزاني
لازم يكون الماء سخون
كي تغلي نقص للنار اي نخليها علي نار هادية
كي تطيب و تكون ريحة القصبر معمرة الدار
نطفي النار
و نحي القصبر
و نرحي المزيج
هنا نزيد شوية قصبر جديد و راس الحانوت تاع الحريرة
و نخليها تغلي مليح علي نار هادية
نحضر ملعقة فرينة و لا زوج عينك ميزانك و نخلطها بالماء البارد
مليييييييييييييييييح حتي لا تتكور في الحريرة
يكون المزيج غلي مليح نقوم باظافة الفرينة ليه
و نخلط مليييييييح
و نخليها تغلي علي نار هادية
هده النتيجة
يعطيك الصحة مريومة
شكرااااا
للعلم عمري لا ضقت الحريرة وان شالله رح نطبقها
مشكورة على الافادة
ومبروك لمطيخ اللمة انضمام مبدعة مثلك اليه
سخفتينا بربي انشاء الله نجربها
وعليكم السلام ورحمة الله وبركاته
بارك الله فيك …الله لا يحرمنا جديدك