- السلام عليكم اخواتي……….انا حبيت نسقسي المتزوجات و خصوصا لي عندها مدة وهي متزوجة بون نبداو على بركة الله. واش هوما الصفات اللي يعجبوك في راجلك ؟ و واش هوما الصفات لي ما تحبيش فيه؟و واش من صفات بدلتيهم فيه ؟و واش هيا ا فضل لحضة و افضل يوم افضل كلمة وافضل مفاجئة دارهالك راجلك لعزيز ؟و نتي تاني قوليناااااا واش دارتيلو؟ و اخيييييييييييييرا واش ستفدتي كامل من حياتك الزوجية ؟هكدا باش نفيدو لي راهوم رايحين يتزوجو ولي راهوم يخمو يتزوجو و باش نصاحولهوم معنى الزواج الحقيقي خاطر كاين لي عنبالهوم الزواج فبه غير الرومانسية و لحوايج لملاح برك و انا كنت واحدة منهم ولله و على بالي كاين بزااااااااااااااااااااااااف لي صرالهوم كيما انا و لي راح يصرالهوم كيما انا . …………اسامحولي طوالت بزاف عليكم على بالي:blush:و راني نستنى في الرد تاعكوم خاطر هدا هو موضوعي 1 في المنتدى وقولولي ادا عجبكوم …سلااااااااااااام
hay:
لكن أسئلتك محرجة و خاصة نحاول انجاوبك
عندي 3 سنوات زواج و أم لطفل
واش هوما الصفات اللي يعجبوك في راجلك ؟
1- ما يتكلمش بزاف على الناس
2- مايدخلش روحو في حوايج خاطيينو
3- الكرم
4- يحب يعيش كل لحظة في وقتها ما يخلطش بين مشكلة مثلا تاع دراهم مع علاقتو معايا
و كثير من الصفات الاخرى
و واش هوما الصفات لي ما تحبيش فيه؟
1-ما يضحكش على النكت تاوعي بزاف
و اشياء اخرى
و واش من صفات بدلتيهم فيه ؟
1-كان ما يحبش يحكيلي على خدمتو و على اسرارو الان عاد يقول كل شيء
و واش هيا ا فضل لحضة و افضل يوم افضل كلمة وافضل مفاجئة دارهالك راجلك لعزيز ؟
1- أفضل يوم هو يوم الزفاف
2-أفضل لحظة وقتها كنت نخدم لكن اوقات عملنا مختلفة انا نخرج على 5 او هو يرجع للخدمة على5 و يعود لدار متاخر لذلك وحد نهار رجعت من الخدمة لقيتو مفرشلي كامل الدار بالورد الطبيعي غرفة النوم و المطبخ و الحمام مانقولكش زيد هدية جميلة و ورقة مكتوب عليها احلى العبارات
3-أفضل كلمة هي عندما يقولي أنت يما و ختي و مرتي و كل شيء و عمري مانسمح فيك
4-أفضل مفاجأة يوم عيد ميلادي كنا متخاصمين تاخر في الرجوع للبيت و لما جا جابلي اجمل خاتم ذهب و باقة ورد حقيقية
و نتي تاني قوليناااااا واش دارتيلو؟
أنا ههههههه على ما أظن نهار طيبت العشاء جا 100% بدون اخطاء و يوم ولادة ابنا محمد الامين طار بالفرحة
من حياتي الزوجية استفدت اشياء كثيرة منها تخلصت من الانانية و اصبحت اكثر احساس بغيري
|
ان شاء الله ربي يحفظك على هاذ الدعوة الجميلة
|
السلام عليكم الحاجة الاولى اللي فرحتني وخالتني نرد على هدا الرد لانو كلام من إمراة كبيرة في العقل مثقفة و لكن الشيئ زادإنتباهي كل شيئ قلتيه نحبوا يصرا معايا بالطبع انا عازب 22 سنة مازال إن شاء الله مي الأشياء اللي عجبتني هم
-كان ما يحبش يحكيلي على خدمتو و على اسرارو الان عاد يقول كل شيء
نحب نقاسم الزوجة نتاعي كل أمور الدنيا صغير ولا كبيرة
مفرشلي كامل الدار بالورد الطبيعي غرفة النوم و المطبخ و الحمام
هادي انا نخمم فيها أو عندما تفتح البيت يسقط باقة ورد وانا و ورق ملصق على الحيط يدي مباشرة إلى هدية
و لكن الشكر كل الشكر إلى صاحبة الموضوع
-كان ما يحبش يحكيلي على خدمتو و على اسرارو الان عاد يقول كل شيء
نحب نقاسم الزوجة نتاعي كل أمور الدنيا صغير ولا كبيرة
مفرشلي كامل الدار بالورد الطبيعي غرفة النوم و المطبخ و الحمام
هادي انا نخمم فيها أو عندما تفتح البيت يسقط باقة ورد وانا و ورق ملصق على الحيط يدي مباشرة إلى هدية)
"dreamboydz" أتمنى لك كل الخير في حياتك …
و أن تسعد و لانو اساس البيت بالنسبة ليا هي النية الصافية و التسامح ان شاء الله تتزوج و تتهنى …
شكرا لك على الاطراء
|
بارك الله فيك girl happy من الإسم نتاعك يبين وإن شاء الله يا ربي للجميع
المشكل راه في اللي يدخل يقرا او ميتجرأش يشارك و السبب قلتلك من قبل انو اسئلتك خاصة جدا و محرجة …
اتمنى ان يكون عندو صدى أكثر من هذا
تحياتي..