البنات وشغل البيت
باسكو هد الظاهرة منتشرة بـزآآآآآف للبنات
باسكو
تحتاج الأم لبناتها للوقوف بجانبهــآ خاصة الامور المنزلية 
كالتنظيف والطبخ هكدا باش البنت تدي الخبرة من يمـآها وزيد باش الطفلة تعتمد على روحها
علاخاطرش كي كنا صغار
كنا نتضاربو مع خياتنا و نبكيو باش نغسل الصحون أو نكنس البيت !!
بصح دوركايا تغير عند البعض ؟
*علبالي بلي معظم الفتيات كــانت تساعد أمهـــا دئمــا ومازالت إلى الآن
*وكاين الي اعتازلت لأعمـــال المنزلية وخلاتها على عــاتق الأم المسكينة
علاش ؟!
باسكو تلقى السبة بالقراية وتبدا تقوللها راكي حابتني مانجيبش معدل مليح
الام مسكينة تعذر بنتها وتقول معليش
مي تانيك لوكان الطفلة تنظم وقتها واوموا تعاون يماها غير غي غسل الاواني ولا التنظيف
يالك مارايح ينقص منك والو
فتحت الموضوع لنتحدث في هذا الجـــــانب ونشجع بعضنــــا
للقيـــام بالأعمـــال المنزلية ومساعدة الوالدة الغالية قدر المستطــآع
بالإضـــــــافة للإستفـــــــادة مـــن خبرات بعضنا البعض
للمناقشة …
للبنــآت
– هل أنتِ تساعدين أمكِ في الأعمال المنزلية ؟
– إذا كان الجواب بنعم ، كيف توفقين بين دراستكِ والأعمال الاخرى و الأعمال المنزلية ؟
إذا كـان الجواب بلا فلماذا ؟
–هل تضعون خطة فـي البيت على أساسها توزعون أعمال البيت ومن يقوم بها/يعني بينك وبين اخـواتك , ولا كل يوم دالت واحدة وخــلآص ؟
"" ياليت لو تذكريها لنا كي نستفيد : ""
للأمهات
– هـل ترين أنه من الواجب ومـن الضروري تعويد إبنتك على الأعمال المنزلية ؟
إذا كان الجواب بنعم / لا ، لماذا ؟
– هل تضعين لبناتك خطة على أساسها تنظمين الأعمال ومـن يقوم بها ؟
– مارأيكِ في الفتاة التي لاتقوم بمساعدة أمها في الأعمال المنزلية بحجة الدراسة وبعض الأعمال الأخرى …..؟
إذا كانت لديكِ أي إضافة ،نصيحة تقدميها للفتيات أو الأمهات
فلا تترددي
ملووكـة موضوع فالصميم ويحكي على وآش نشوفو دوكـ
وهآد السوجي حكينآ عليه مرة في موضوع فآت لكن معمم شويــآ
ومليح كي جيتي اليوم ودرتيله موضوع خآص وحده
بون نجآوبك على أسئلتك :
هل أنتِ تساعدين أمكِ في الأعمال المنزلية :
وي وavc بليزيغ
– إذا كان الجواب بنعم ، كيف توفقين بين دراستكِ والأعمال الاخرى و الأعمال المنزلية ؟
مآعنديش مشكل من النآحية هدي ، منظمة وقتي وكل حآجة بوقتهآ
وبحكم ماما طول حيآتهآ خدآمة عودتنآ على نفس التنظيم
رجع كي شغل روتين في حيآتنآ ، نوض الصبآح نخدم شغلي قبل لنروح نخدم
طبعــآ بالتعآون كل وحده تدير حآجة ، هكدآ مآنروحش عيآنة وفي نفس الوقت
كي نرجعوو للدآر نلقآوهآ نظيفة وكل حآجة في بلآصتها مش نجي من تعب لتعب
إذا كـان الجواب بلا فلماذا ؟
/////////// يآخي قلتلك نعم يآملوكـة 
–هل تضعون خطة فـي البيت على أساسها توزعون أعمال البيت ومن يقوم بها/يعني بينك وبين اخـواتك , ولا كل يوم دالت واحدة وخــلآص ؟
"" ياليت لو تذكريها لنا كي نستفيد : ""
ايه مرة الخطة تكون 4 .4 .2 ، ومرآت 4. .5 .1
ـ سخآيلت روحي عوركوف مثلآ ـ
وي حنآ فالدآر دركـ 2 بنآت ، دآيين الدآلة وكل وحده تعرف وآش تدير
منين تفتح عينيهآ الصبآح ، مثلآ جوست نوضو وحده تدور على لي شومبغ
تفرش وتحط كل حآجة في بلآصتهآ وتبدى تكنس ، ولوخرى فالوقت هدا
تغسل ماعن الفطور وتستيكي الكوزينة ، وامبعد تفوت تمسح أو تفوت بالنشآفة ، أمــآ التسيآق نديروه كل ويكآند للزوج
الغدآ في غآلب الوقت وحآليـآ يكون لمآمآ لأنهآ العام هدآ آي غوثخآث
حنآ نكملو شغلنآ ونخلولهآ الطيآب ، امآ من قبل كي كآنت خدآمة
كنآ انآ وهي على الغدآ لي تنوض الأولى فينآ تطيب الحليب وتدير الغدآ
نطفيو عليه على 7 وحآجة ، يعني كآن لي يحب يتغدى على 7 يلقآه وآجد
أمآ العشآ مآنكدبش كل مرة كفاه مرآت انآ كي نجي من الخدمة بكري
ومش عيآنة ، ومرآت كي مآنخرجش بكري نجي نلقىآهآ دآرته ديجآ
أمآآ الحوآيج أو القش مش مشكل هدوكـ منين يتلمو شويآ نحطو المآشينة
حتى نهزوهم بآش نشروو يعني هدآ مشي شغل 
في غآلب الأحيآن هدي هي الأعمآل المنزلية اليومية ، وحوآيج أخرى
منكدبش نديروهم فالويكآند
نصيحة مني لكل بنت على قد مآتقدري تعآوني مآمآ عآونيهآ
انآ يبانلي شغل الدآر وآجب عليآ عندي وآش عندي يلزمني نديره
اليوم رنآ معآهم وغدوة كي نروحو عليهم وكل وحده تشد دآرهآ
هي تبقى مولآت الدآر وتولي تخدم كلش هي ، كي شغل غير كمآ تزوجت
وامهآتنــآ يوم ورآ يوم يكبروو وتنقص صحتهم على الأول متحملوهمش فوق طآقتهم ، مش الآ قالتلك يآبنتي روحي تقرآي برك ولآ اخدمي برك وانآ ندبر رآسي يعني آي قآدرة ، تعبو علينآ وكبرونــآ دركـ جآت دآلتنآ نعاونوهم ونهنيوهم
pــروفيثيو تخدموهم على قد مآتقدرو قبل لتندموو
والله كون نصيب مآنخليهآ تمس حآجة ، ديجآ حنآ كي نشوفوهآ تغسل لمآعن ولآ تمسح بالنشآفة نبقآو نضحكو عليهآ تبآلنــآ كبيرة على هآد الحوآيج
ربي يحفظلنــآ أمهآتنــآ ويخلهملنــآ وآقفين ديمآ فوق رآسنــآ
وجودهن في حيآتنآ فقط يكفينآ الدنيآ ومآفيهآ
ـ طولت عليكـ يالقسنطينية ، بصح نورمآلمون تعرفوني دوكآ
نحب نرحي في موآضيع كمآ هدي ـ
انا لكبيرة في خواتاتي
باه نقول الصح انا فصيف ندير الدالة انا واختي تاع كلش
الي دير لعشاء وتغسل لماعن ليوم دير لغدا تاع غدوا وتغسل ماعنوا تاني
التسياق وتقفاض مع بعدانا
بصح في لقرايا كل وحدة تفرز شمبرتها ومدايرين الدالة علا التقفاض تاع الطابلة
وما ما الدير الباقي
بالنسبة ليا كي كنت في دارنا كنت وحدي ونساعد والدتي
ماكانش لي يعاوني
وكي مشيت لدار راجلي ملقيتش مشكلة مع حماتي ودار راجلي
لكن ماما مسكينة قعدت وحدها وكلشي فوق راسها
نسنى غير وقتاه نروح لدارنا ونهز عليها الخدمة نخليها تريح ونخدم انا الشغالات كامل
وبخصوص البنات لي يتحججو بالقراية راهم كاين بزاف منهم
لي امهم تخدم عليهم وهوما قاعدين ياكلو ويشربو ويرقدو
موضوع رائع
في متابعة ردود الأخوات
شكرا ملاك
رجعت البارح كنت عيانة ههه
لمهم معنديش مشكل في الشغل الدار سيرتو الترتيب نتاع الغرف و غيرها آنا لولى فيهم ههه
نروح لآسئلتك
للبنــآت
– هل أنتِ تساعدين أمكِ في الأعمال المنزلية ؟
آكيد
– إذا كان الجواب بنعم ، كيف توفقين بين دراستكِ والأعمال الاخرى و الأعمال المنزلية ؟
قبل كنت نتقاسم الشغل مع آختي و لكن كي تزوجت بقيت وحدي نحاول نوفق بيناتهم و معندي حتى مشكل
إذا كـان الجواب بلا فلماذا ؟
______
-هل تضعون خطة فـي البيت على أساسها توزعون أعمال البيت ومن يقوم بها/يعني بينك وبين اخـواتك , ولا كل يوم دالت واحدة وخــلآص ؟
كنت من قبل مثلا آختي الصباح كامل في الدار بحكم ان شغلها كان في الدار مش كيفي في المساء كي نرجع الماعن و العشاء مرات يكون عليا و في عطلة الآسبوع هي مدير والو كل شي عليا مي درك لا خطة لا والو ندير كل شي ههه
و في الآخير نقول للشيرة لي متبغي تعاون آن الشغل مينفع لا آمك و لا آختك ينفعك آنت برك كي ديري مسؤولية درك تعرفي
|
سعيدة بتــوآجدكي
كل الشكر لكي
|
حنــونة
|
كل الشكر لكي
وكي رحت لدار راجلي نضل مع الخدمة امه وحدها مسكينة تحكملي غير لخبيز تخبز وتريح
مع انهم كانو مهمش في عايلنا كانو 4وانا 5 كنت نلعب بالدار من كلو نخدمو مع ميدو صغير مع جداتو
وذرك نشوف لاشواق كل يوم حتى راسها محبش يوصل للبوتاجي هههههه باه غير تغسل البول تاعها تاع لحليب
لكن ميدو وانيس حتى يعينوني في التسيا ق واذا وصل رمضان والا العيد نلقاهم فرغو لماعن اللي فالبيبيوتاك غسلوهم ونشفوهم ويقولولي رديهم
غير هاذ العيد محبوش كبارو وعادو رجال في نضرهم
وشومبرتهم عمري قفضتها هم اللي يقفضوها غير ينوضو كل واحد يعدل بلاصتو ويلم الكومود واذا عندهم قش امسخ يديسوه للماشينة
ربي يحفضهم ويدومو هكا راهم روعة
الفنيانة اشواق مدير والو ويا ويلي لوكان نقولهخا ديري حاجة وراهي معليهاش عندها 7 سنين