اليوم حبيت نحكيلكم شويا على التدخين
شحال من واحد هنا راه يدخن ؟ بزاف … بصح اشكون الي عندو القدرة باش يحبسو ؟ شويا …
عبالكم بالي الجسم البشري فيه دوريجين المادة تاع النيوكوتين بصح بنسبة صغيرة جدا في الدم و تنتجها غدد مختصة بكمية محدودة الي يستحقها الجسم تاعنا وخلاص … هو الي يقلك بالي راني نتكيف عجال راه ينشط الدماغ نقولو عندك الحق على خاطر النيوكوتين يقوم بتنشيط الدورة الدموية بشكل سريع بصح الي ما تعرفوش بالي كول ما تزيد نسبة التدخين كل ما تفشل هاديك الغدد حتى تموت كامل على خاطر ما عندها علاش تخدم و النيوكوتين كاين في الدم و يولي الجسم كي ينقصو النيوكوتين يحتم عليك ادخن … بصح هذا شيء خطير على خاطر كون تموت هاديك الغدد راح يكون امبوسيبل تقدر تحبس التدخين … هادي يا سيدي الفائدة الوحيدة في التدخين بصح كيما تشوف فائدة وقتية برك على خاطر عندها نتائج سلبية تنعكس على الجسم … بصح واش تقول في السلبيات الاخرى تاع التدخين …
خلي نقولك السع على مكونات السيجارة تبع معايا الصورة الي ملتحت :
و تاني المواد الي عندها اضرار كبيرة على الجسم شوف وا اديرلك :
المشكل ماشي هنا برك … التدخين ما يضرش غير بيك نتا و لا نتيا … تاني اطفالكم في المستقبل : ما نحكيلكش على التشوهات الخلقية لولادكم و الاعاقات الجسدية و الذهنية الناتجة عن تدخين النساء الحوامل … حرام والله و هوما واش ذنبهم ؟ على الاقل في فترة الحمل المطلوب من الوالدين على السواء التوقف عن التدخين … شوفو مسكين واش راه يسبيري :
كاين الي يقلك الله غالب الدخان حكم فيا خلاص ما نقدرش انحيه … علاش ربي خلق معاك السيجارة في يدك ؟ التدخين ماشي عينك ولا يدك حتى تكون ما تقدرش تنحيها راهي حاجة اكتسبتها و سبتلك مرض نفسي اسمو : ما نقدرش نحبس الدخان … نقولك حاجة كيما اكتسبت الحاجة هادي تقدر تنحيها خويا بشويا تاع ارادة … واش تسنا ؟ والله ما علابالك واش يستنا فيك …
في الاخير اتمنى ان يعجبكم الموضوع و نشالله تقدرو تحبسوا عليكم التدخين
تحياتي و شكرا على زيارة الموضوع
|
و انشالله يتعضو اختي
تحياتي
شكر
السلام عليكم ورحمة الله تعالى وبركاته
بارك الله فيك اخ مامي
جزاك الله خير
شكراا جزيلا على هذا
الطرح القيم
بوركــت
ولكن اخ مامي المؤمن يبدا بنفسه :biggrin:
un:
مع تحياتـــ
فريق(4algeria)
اليد في اليد لنرتقي بمنتدنا الغالي علينا
|
العفو اخي جلال و شكرا على المشاركة معنا
|
ايواش بدينا بتطياح المورال …. ههههههههه نشالله خويا سمير انا وانت …. شكرا على مرورك المتميز
جزاك الله خير
وجازاك الله الف خير
على الموضوع الجميل
والقيم
بارك الله فيك أخي على
الموضوع الرائع
منور القسم
أدام الله نبض قلمك لنا
يعطيك العافية
وتقبل شكري وتقديري
