سلام لبنات واش حالكم ؟ علابالي راكم كامل بيان واش راح يخصكم هههههه
علابالي بلي هاد ليامات الناس راهي في سباق مع الوقت باش يديرو العراس
شفت شوية حوايج ما عجبونيش من خلال التواجد المستمر في الاعراس وخبرة طويلة مع العرائس خخخخخ
alors حبيت نفيدكم بشوية ملاحظات
المعروف انو العروسة فالعراس تاعنا تمشط على الاقل زوج مرات
مرة فالتصديرة تاعها
ومرة فلاصال كي تلبس لاغوب بلانش
نبداو مع التصديرة:
كامل القطر الجزائري في العروسة لازم تنوع فالتصديرة من المجبود القفطان ال****و ….
لي لاحظتو بلي كاين بزاف عرايس يديرو مشطة كبيرة ومعقدة وتزيد الحفافة تعمرلهم ريسانهم ب postiges و briant
بلا مانهدرو على الماكياج لي يخلع
والاصح هو ان العروسة راهي في موضع عرض ازياءها ماشي شعرها مالا لازم تكون المشطة simple قد ما تقدر ومن الافضل تكون شينيو خفيف باش ما يهبطش شعرها على وجها ورقبتها ويتخبى الذهب والصدر تاع الجبة لي لابستها
يعني يكونو يشبهو لهادو
نروحو ل لاصال:
هنا الوخدة الكبيرة !!!
الحفافات اليوم تعلمو وحد الخدمة جديدة ولاو يعاندو الgور وهوما ما قدهومش
ولاو العروسة لي تروحلهم يديرولها مشطة هابطة لتحت
كيما هادي
وهادي ماتصلحش عندنا في دزاير لسببين:
اولتها:معظم عراسنا يكونو فالسخانة ومنه العروسة تعرق ويفسد شعرها من تحت وتروح المشطة بايباي
ثانيتها:في اوروبا العراس يندارو فالهواء الطلق يعني في جاردان ولا قدام البحر والعروسة تتصور فالوضعيات كامل :من القدام على الجنب من الوراء يعني المشطة تاعها تبان مليح
بصح حنا ماعندناش l’avantage هادا العروسة تتصور غير من القدام
مالا لازم تكون المشطة من القدام باش تعطي فورمة للوجه
يعني كيما هادي
نتمنى فهمتوني واستفدتو
حقا موضوعك رااائع وعندك الصح
والفرق بين أعراسنا وأعراس الgور فرق كبير
وأنا فهمت واش قصدتي
ووصلتني الفكرة
شكرا لك
رانا نشوفوا لعجب في المشطة والماكياج نتاع العروسة
مشكورة
ya3tik essa7a
|
مرسي حبوبة انا كنت حاكمة قلبي لا واحد ما يفهم ليسونسيال وصلاتك الفكرة
|
ماشي عجب واحد أعاجييييب هههه والله لوكان تفيدي العرايس لي تعرفيهم ديري فيهم مزية كبيرة
|
ايه السامبل ديما مليح وتبقى لامود تاعو طول ما تتنحاش بصح هادوك الصرعات يجو فيسع ويروحو فيسع يعطيك الصحة حنونة
هدي رووووووووووووعة
يعطيك الصحة
بصراحة موضوع جديد و مميز
استمتعت به
شكرا لك
+تقييم
عالسلآمة بلي جآت وجآبت
يعجبوني موآضيعك ، طريقة الطرح حصرية ، خفيفة ومميزة
يآبنتي حنآ تآعنــآ كون مآيديروش كبة فوق رآسهم
ومآيزيدوش على شعرهآ تبآنلهم مش عروسة
بصح تبانلي بدآو ينقصوو سوغثو نهآر العرس يعني نهآر الكوغثآج تآعهآ
ولآو يديرو حآجة سآمبل مع لآغوب بلونش ويجوو تحفة
خير من بكري تلقآهآ حالتها حالة بلاغوب بلونش ، آي شادة فيها منآ ، آي من هيه
ويزيدلهآ هم الشعر ملموم قفة فوق رآسهآ مآتلقاها منين هيهيهي
أحلى تقييم لموضوعكـ حبوبــة ، ميرسي ليكـ
شكرآ ~
|
هاداك هو الصح ختيتي كي تستفادي وتستمتعي وكي ما نمتعوش عضواتنا الباهيات مالا شكون بيهم ههههه مرسي ختوتة على التشريف نورتي
|
وانا نقول علاش الموضوع تاعي نور صار راكي هنا يا وحد ….. من البارح وانا نستنى فيك تجي ولا بالعرضة خخخخخخ ايه كيما قلتي لوكان ما تلبزهاش بالبريون والكعبورة تاع ليبونج ما تبانلهاش عروسة alors que العروسة هي لي لازم تكون سامبل باش ما تدخلش على العريس يتخلع تبانلو زوج مع عرائس الgراgوز ههههه
المرة الجاية ارواحي بكري 
ولا نحرش لاكوافوز في عرسك تديرلك كيما لي كنا نهدرو عليهم هههههه نورتي حبوبة
|
مرسي خيتي المهم عندي تستفادي وتستمتعي