هذا هو عرسكم 2024.

اهلا بناس اللمة ان شاء الله تكونو بخير ؟؟؟؟؟؟؟؟؟؟؟؟؟؟؟؟؟؟ انا يوم جاتني فكرة وهي انو الجزائر كبيرة وفيها عادات وتقاليد تخص العرس صح مذا بيكم كل واحد يحكي كيف يكون العرس من نهار الخطوبة الى العرس وشكرا مع ذكر النطقة مشكورين

بارك الله فيك خويا راك انت اول من رد على الموضوع المهم مرسي على الرد

موضوع حلو ان شاء الله يكون حلو بالمشاركات اللىفيه
الى هتعرفنا اكتر على عادات وتقاليد الجزائر
بس للاسف انا مش من الجزاير عشان احكى العرس ازاى لو عايز تعرف المراسم المصرية معنديش مانع
وشكرا يااخى تقبل تحياتى

شكرااااااااااااااااااا على المشاركة معنا نعم حنا كلنا عرب ويهمنا عاداتنا وتقاليدنا .

الله يبارك فيك يااخى وان شاء الله منتظرة اعرف مراسم العرس فى الجزائر
على احر من الجمر
تقبل تحياتى

مرسي على المشاركة مي رانا ننتظر امتى يحطو الردود ؟؟؟؟؟؟؟؟؟؟؟؟

عندنا في سطيف

الخطبة : يقوم أهل العريس بخطبة عروس ويكون اختيارها إما لنسبها أو جمالها ، أخلاقها …..والدين

معروف كلنا مسلمين وإذا أعجبتهم يراها العريس ويعطيها خاتم الخطوبة (نسميها عندنا خاتم التملاك )

الفتاحة :وهي بإحضار الشيخ ( الإمام ) مع عزم كل الأقارب وتتم الفتاحة في منزل العروس ،يقرؤون

سورة الفاتحة
ويتفقون على المهر

وفي مدة الخطوبة حوالي ستة أشهر أو أكثر تستعد العروس ويستعد العريس بشراء كل الملزمات من

ملابس ومكياج ……

وقبل تحديد يوم العرس يذهب العريس والعروس في البلدية (القاضي ) ووضع عقد زواج قانوني و بعد

تثبيت الزواج في البلدية يتم تحديد يوم الزفاف

اسبوع العرس

يوم الاحد والاثنين يجتمعو الاهل ونديرو سهرة مع الحلويات والمكسرات والشاي …مع العجائز اللي يغنيو صراوي ………

ويوم الثلاثاء نذهب لاهل العروسة وناخذ الشياه 2 ولا 3 ونحطوهم وناكلو الرفيس ونجيبو جهاز العروس

اللي جهزاتو وقت

الخطوبة ومبعد الفليل نزيدو نكملو السهرة كما بالاحد والاثنين……..

ويوم الاربعاء

نروحو لاهل العروسة في موكب سيارات كما نحبو في الليل ولا في النهار بصح فليل خير باه نشعلو

الفيميجان ونزهيوها كثر ……

و نديرولها الحنة في يديها مع زوج ويزات ذهب ونديولها حقيبة مرفوقة باجمل الثياب

والعطور ……..ويدخل العريس ويديرلها الخاتم وفي هذاك اليوم تكون العروس ديجا تصدرت امام المعازيم

ولبست الحوايج اللي خيطتهم مثل البنوار السطايفي …..قبل منجيو احنا ……….

ومبعد يوم الخميس

عند العروس لاشيء في الصباح سوى إعادت الذهاب عند الحلاقة ، وتقوم تجهيز نفسها وانتظار العريس

لأخذها في
المساء اما

عند العريس

هنا النساء الكبار ينوضو بكري يحضرو البربوشة-الكسكس-والشربة ووو ….للمعازيم اللي عرضوهم

والباقي يروح للحلاقة ويلبسو الزي السطايفي ويتزينو ……

ومبعد نروحو نجيبو العروس في موكب سيارات وتكون سيارة العروس هي الاجمل ………المهم نروحو

واحنا طيط طيط :yahoo::yahoo:

ومبعد كي نوصلو تهبط بعض النساء مع العريس خواتاتو مثلا ولا خالاتو وعماتو ويدخلو يصورو شوية مع

العروس ومبعد يخرجها ويكملو الموكب لدار العريس وهوما طيط طيط هههههه …..

وكي يوصلو للدار ترمي ام العريس الحلوى على العرسان لما ينزلو من السيارة وعندما تطا العروس

قدمها عتبة

البيت تضع لها حماتها الزبدة في كفها وتطلي باب الدار ولا الحيط ……..ومبعد يطلعو ويتصورو مع بعضاهم

وفي هذاك الوقت يكون الصالو معمر بالمعازيم ومبعد يخرج العريس وتوزع

القهوة والحلويات على المعازيم ………..مع الرقص والغناء …..ومبعد يعشيوهم الكسكس والشربة

والزيتون بالكفتة مع الفواكه والمشروبات ………..

وكي يخلصو يجي وقت الحنة للعريس مع صحابو واحبابو حيث تكون في التراس ويحطو الحلويات والشاي

والغناء وتطلع امو وبعض العجائز ويديرولو الحنة هو وبعض اصحابو …… ويزيدو يرفهو العريس

حيث كل واحد من المعازيم يحطلو كادو ولا صوارد ……..

وبالجمعة

تذهب العروس صباحا إلى الحلاقة وتتزين ثم في منتصف النهار يأتي أهل العروس في موكب سيارات

محملين بالغداء والحلويات ولما يوصلو تروح وحدة من قريبات العروس اختها مثلا وتساعدها في التصدار

حيث تلبس العروس الملابس اللي خاطتها وجابتها في جهازها وتعرضها على اهل العريس والعروس معا

مع الغناء والرقص …………والحلويات اللي جابوها معاهم تتوزع على اهل العروس والعريس معا ………………..

ويخلص العرسسسسسسسسسس:tears::tears:

ههههههههههههههههههههههههههههه
فيه حاجات عجبتنى جدا وتقاليد بعيده تمام البعد عن مراسم الجواز عندنا فى مصر
عجبنى موضوع ا لزبدهلكن عندنا بدل منه بيشربوا حليب امام الباب
بس اللى معجبنيش موضوع انها تلبس كل الهدوم اللى خاطتها قدام الاهل مش عارفه يمكن شايفينهاعادى لكن حاسه انها مش لطيفه فى مصر الناس اللى بتروح تزور العروسه فى بيتها بعد الزفاف العروسه بتفرجهم على حاجتها كلها حتى ادوات المطبخ لكن منغير ماتلبس حاجه يعنى بتفتح الدواليب وتفرجهم عليها وفيه ناس بتعتبر ان ده خصوصيات وعيب حد يتفرج عليها لكن الشائع هو رؤية كل شىء
وبعدين انا لاحظت ده فى كل مدن الجزائر موضوع تغيرر الفساتين وانا شايفه ان ده مرهق جدا للعروس
عجبنى الرد جدا
ومستنية اعرف مراسم مدينة اخرى
تقبلوا تحياتى

مرسي هكا كونو خظرنا عرس سطايفي معاك في هذا الرد

احنا عندنا في شلف la majoritie نتاع la fete de marriage نديروهم في ايام mercredie jeudi vendredie
نبداو بالنسبة للعريس يكون le jour special نتاعو mercredi ونسموها حنة العريس كما هي في اغلب القطر الجزائري وفي هاذ اليوم يعرض العريس كامل صحابو وحبابو ونسموها حنا الرباعة نتاعو ويكون فيها العشاء يعني لي يحضر لازم يتعشى ونطيبو الكسكس والزيتو ن بالجاج …….. والقفف نتاع القاطو ونفس الطريقة مع العروسة
اييييييييييه وفي الليل يبدا الشطيح والرديح وهادا يقولك la chansone nta3 redouane والاخر la chanson nta3 kheira والاخر la chanson nta3 abess وهي رايحة المهم نفوتو سهرة هبال la classe وغدوة منداك الخميس نروحو نجيبو العروسة من دار باباها وحنا طيط طيط طيط والزغاريد والغنا كي نلحقو لدار العروسة تدخل وحد من اهل العريس والعروسة تطيش حبة بيض عليهم والسكر ومبعد ايدرولها الحايك ويخرجوها تحت دراع ولي امرها والبكا وديك الحالة من بعد تلحق العروسة لدارها تشرب الحليب هيا وعجوزتها وتريح شوية ومبعد نبداو فالتصديرة هذا قفطان وهذي منصورية وهذي قسنطينية ……………. حتى تلحق la robe blanche
ومن بعد نستنا القمجة كيما نقولو حنا ويخرج لاعريس فرحان وندوه cortege والان لحق يوم الجمعة ويجيبو اهل العروسة الجفنة كيما نسوموها حنا هي قصعة كسكس مزينة بالحلم والحلوة….
ومن بعد يدو جفنتهم ويروحو ويبداو فالبكا وحالتهم حالة ومن بعد شهر ولا قل تجي يماة العروسة ةتجيب معاها القذيان وتشوف بنتها ومن بعد اسبوع تروح العروسة تزور اهلها وتقعد عندهم يامات ومن بعد تروح