باسكو لقيت أنّو من بين الولايات لي ميطبخوهاش ولاية مسيلة وولاية سكيكدةوحنا في قالمة نطيّبوها بزاف
****************************** ************
استعملت ملوخيّة الذّواقة مع بهارات الذوّاقة (الخلطة السّحريّة للملوخيّة)
نرجع للبرمة نحط فيها اللّحم والبصل والثّوم والملح والفلفل اكحل وبهارات الذوّاقة ونقليّها على نار هادئة.
كي تتقلّى نزيدلها كعبة طماطم تزيد تتقلّى شوي ونزيدلها الماء ونخلّي اللّحم يطيب
نرجع للملوخيّة نحلّها بشوي زيت ونخلّط مليح باه متتكعبرش
حتى تولّي هك
تكون البرمة غلات مليح نزيدلها لملوخيّة
نخليّها بعد ذلك تغلي شوي مع استمرارية التحريك باه متلصقش
مباعد ننقصلها باه تصفّي وتدير شوي زيت من فوقها وهاداك هو السّر في بنّتها
وهاذي كي فرغتها في الصحن
نتمنّى تكون عجبتكم الملوخيّة القالميّة
تحياتي
في ولاية بسكرة يطيبوها بصح ناس قليلة
عمري ما دقتها … يعطيك الصحة سندرلا
امم ماكانش ديفيرونس كبيرة مام حنى نطيبوهــآ هكــ
حتى لخنــآشلة ياكلوها مي ماشي كــآمل
في تبســـة يطيبوهـــآ ياسر ..
يعطيكــ الصحة حبيبتى
بالصحة والهنـــــــآ
تحيــآتى ’
يعطيك الصحة
الحقيقة عمري ما ذقتها
|
ومعظمهم ماياكلوهاش
ان شا ءالله يجي نهار وتاكليها
راها بنينة مشكورة على المرور الطيب
سلامي
|
ناس تبسة تقريبا كيما لقوالمة في طيابهم لي نطيبوه يطيبوه
لعفو خيتي مشكورة على المرور الطيب
سلامي
|
ان شاء الله يجي يوم وين تطيبيها وتستمتعي بذوقها الطيب
شكرا على المرور الطيب
سلامي
اممممم ريحت لملوخية راهي دايرة حالة
احنا تطيبوها وهك بعد كيما ذكرتي بعدا
انا كي نحب نطيبها نوض بكري و كي نحطها نقصلها باه
طيب على نار هادية وطلع الزيت تاعها
نحبها بزاااااااااف ونموت عليها وسيرتو مع لخميرة
يعيطك الصحة يالغالية على الوصفة وربي يعطيك ماتتمني
حنا في خنشلة نطيبوها
وعندي خويا يموت عليها
