:up:السلام عليكم متشرفة بيكم 
حابة من الكل أن يشارك بوصفة الكسكسي بالتفصيل و ذكر الولاية
[COLOR="rgb(105, 105, 105)"]
[/COLOR]
فكرة هايلة يعطيك الصحة أختي
أول شيء نحضر جميع المكونات
الطعام (الكسكس) الزبيب+الحميصة
الخضرة (بصل+قرعة + زرودية +لفت+اللحم +)
(بصل+ لفت +القرعة + الجاج)
التحضير :
نجيب الطعام اول شي نشلو بالما ونخليه يقطر
منبعد نجيب الجفنة ونحطو فيها ونديرلو شوية زيت ونسيي كيفاش نحلو مليح
نديرو ف الكسكاس
المرقة :
الوصفة الاولى :
نقطع البصل ف القدرة وندير اللحم والزيت(والسمن ماشي ضروري) والملح والفلفل لحكل شوية عكري
ونقي الزبيب ونشلو مليح ونديرو يفور
الوصفة التانية :
نجيب قدرة نقطع البصل وندير الجاج ملح فلفل لكحل زنجبيل قرفة والزيت والحميصة من بعد نمرق نخلي الجاج يدخلو الطياب ونرمي اللفت و القرعة ونخليهم يكملو طيابهم
نرجع للطعام نفورو التفويرة الاولى من بعد ما يفور نجيب الماء ونحل فيه شوية ملح ونرشو بيه مليح ونخليه ينشف من بعد ما ينشف نعاودلو التفويرة (التالية)
من جهة يكون الزبيب طاب نخلو مع الطعام وندهنو ب الزبدة (كاين لي يدهنو بالسمن )
نجيب طبق التقديم ندير فيه الطعام وف الوست ندير اللحم ونزين الطبق بالخضرة ونمرق شوية ونزيد نزينو بالبيض
ونحط قدامو المرقة
نفس الطريقة بالنسبة للجاج
ملاحظة فقط
الطعام قبل مانديرو نديرو ف طبق التقديم نرشو بشوية ماء الزهر وقليل م ن القرفة
من بعد نقدمو ونزينو بالجاج والحميصة واللفت والقرعة
وشهية طيبة
الوصفات من المدية والعاصمة
|
