حبيت نستشيركم يا اعضاء اللمة في امر تخصصي
راني ديت شهادة البكلوريا و الحمد الله جبت معدل مليح و مشكلتي مانعرفش لفرونسي :busted_red: لاني قريت في الخارج …
فهذي اول سنة لي في الجزائر راح نقرا هنا في البلاد بعد الغربة …
رني محتارة في امري … حبيت تخصصات يكون فيها اللغة الفرنسية قليلة لاني راح نسلك روحي
طلبي هو : تعددولي التخصصات يكون فيه اللغة الفرنسية قليلة .. !!
و ندخل هذا العام للجامعة مع العلم ان لي لغة انجليزية ممتازة و عندي قدرة على الحساب و معدل عالي
او .. نخلي هذا العام مفتوح و نتعلم اللغة الفرنسية و بعدها ندخل الجامعة .. !!
و ما رايكم في جراحة اسنان.. ؟؟ شانقروا فيها !!
في انتضار اراكم بفارغ الصبر ..
دعواتكم … !!
الحمد لله علي سلامتك وعلي حساب مفهمت انك جبتي الباك مش في الجزائريعني باكالوريا اجنبي ملا انتى حالة
خاصة انا قريتها في موقع وزارة التعليم تقول بلي تقدرو تسجلو في احذ الفروع الطبية والمدرسة التحضرية ولا
المدرسة العليا للتكنولوجيا ادخلي للموقع اقرايها نتمنى انى نكون قدرت نعاونك
|
u_nno:انا قولتلك ديري دونتيست
دبري راسك
ماتبدليش أختياراتك بسببها
أذا تحبي أدرسي اللغة في معهد خاص بالتوازي مع القرايا
كاينين فلسطينيين ويمنيين وسوريين يقاراو هنا ونجحوا بالرغم انو لغتهم الأساسية انجليزية مش فرنسية.. وماتنسايش ثاني بلي كاين جزائريين معربين ضعفاء جدا فالفرنسية ومع هذا نجحوا في هذي التخصصات
الاخت ايروكا عضوة معانا فالمنتدى تدرس جراحة اسنان تقدر تفيدك
يلا لقيتها فالأمسن لانها صديقتي راني نقولها كاش ماتفيدك
موفقة
|
ان شاء الله ربي يفتح علينا و يكون معانا في الاختيار التخصصات المناسية و نساعد في اخدمة الوطن و ارتقاء امتنا ..
الحمد لله … يعني قبل ما نتخصص اخذ سنة تحضيرية نستعد فيها للجامعة ..!!
اختي ممكن تعطيني موقع وزارة التعليم .. اذا ماعندك مانع ؟
بارك الله فيك .. شكرااا ربي يفرحك و يحققلك كل ما تتمنيه يااربي
|
واه راني ندبر راسي كاش مادخلك .. ؟
|
معاك حق … انا ماحبيتش نضيع عام بصح راح نحاول و تكون السنة الاولى لي صعبة
انا اختي مرت بنفس المرحلة و دخلت الجامعة من اول سنة ليها هنا في الجزائر واجهة الكثير من المصاعب ولكن هي غلطتها اختارت تخصص مايلائمهاش "بيولوجي" فيها لحفيظة + اللغة
نصحتني نخلي هذي السنة للغة
كل الشكر لك على النصيحة … بارك الله فيك اخي و جزاك الله خير
في ميزان حسناتك ان شاء الله
|
في ميزان حسناتك ان شاء الله
اما على جراحة اسنان مانعرفهاش مليح
مي علابالي نورمالمو تقرايها بالفرونسي
وننصحكــ تتعلمي فرونسي لانو وخصوصا في الجزائر من دون فرونسي ماتقدري ديري والو
وربي يوفقكـــ
https://www.mesrs.dz/bac2017/arabe/index_ar.php
بصح سجلتي ولا مزال ??
|
احتي اولا مبروك الباك عقبال الماستر و الدكتوراه
ماتخافيش من اللغة الفرنسية لان في اي تخصص رايحة تستعملي كلمات علمية لا غير
في مدة شهر تكوني حفظتيها و مع الوقت سوف تجيدينهاو ستجديها 😎 جد سهلة و انا عند كلمتي
و بالتوفيق :re_gards:
|
كل الشكر لك على النصيحة اخي .. معاك حق اللغة الفرنسية هي لاساس في دراسة الجامعية فبتالي واجب عليا نتعلمها و ان شاء الله راح نعمل بالنصيحة
بارك اله فيك و جزاك الله خيرا
|
و الله مزال لان الملف تاعي مزال ماجاني
|
هذي انت ما شاء الله عليك تعرفي الفرونسي فتجيك سهلة
بصح نجي معاك في نقطة "مع التكرار راح تسهل مشكلتي مع الفرنسي"
و كيما يقولوا : ( التكرار يعلم الشطار)
شكرا لك اختي على رفعك لمعنوياتي ..
بارك الله فيك اختي و جزاك الله الجنة