مرحبا بيكم في الكوزينة اللي تلم طباخات اللمة
اللي مرة ترقد ومرة تنشط بصح ماتموتش بربي ان شاء الله 
مادامنا حيين راهي حية معانا
ولكن اليوم مش اي يوم 
اليوم يصادف زواج الغالية على القلب وتوأم الروح
المشرفة عفاف الجزائرية
كل عبارات التهنئة لا تكفيها
وكل عضوة عرفتها من بعيد ولا من قريب
تعرف مكانتها في قلوبنا
حبيناها وتعلقنا بيها
طيبة فوق الخيااااااااال
بنت اصول وصاحبة واجب وكرم
تمنيت نكون معاها في هاذ اللحظات
لكن الظروف ماساعدتنيش
عفوفة نتمنالك حياة سعيدة وهنية
وان شاء الله ربي يجمع بيناتكم بالخير
ويباركلكم يارب
وترجعي تشاركينا يومياتك المطبخية
..شوفو والله مانحشم ..المرا راهي معرسة وانا ندعيلها
ترجع للكوزيينة نهار عرسها هههه
لا مفر من الكوزينة لاحقة لاحقة
—
ان شاء الله هذا الخبر يكون فاتحة خير عليها وعلينا
وعام سعيد يدخل علينا بالصحة والهنا
هذي اطباقي
ألف ألف مبروووك على عفوف خبرتني أنو عرسهآ فِ ديسمبر
بصح مآكنتش عآآرفة لآدآت 
، مشكورة عفوفة 
ربي يهنيهآ ان شآء الله و يفرحهآ و يرزقهآ الذرية الصآلحة يآ رب
نرجعوو لأطبآقك الهآآيلين طبعآآ كآش نهآر نجرب الزفيطي ديمآآ في بآآلي 
يعطيك الصحة عفوفة الله يبآآرك عليك 
^^
حبيت ندخل و معآيآ سينية حلوة :
تآآي ، كوكآو ، شآمية ، و ديول محشيين بالمكسرآت و معسلين
وربي يهني الأخت عفاف
البارح كان عيد ميلاد ولد خالتي جبتلكم واش كان على الطابلة
لي طارت هاذو صنعناهم في الدار
ألف مبروك للأخت عفآف، ربي يهنيها ويرزقها الذرية الصالحة إن شاء الله
هذآ الكآدو نتاعي ليهآ:
ومبروك إفتتاح الجزء الخمسين للكوزينة اللمآوية،.
يعطيك الصحة أم ندوش.
عقبال الذرية الصــــــــــآلحة والحيآة المليئة بالحب والمودة والهنـــــــــآء
فرحتلهـــــــآ بزآآآآآآآآآآآآآآف
ومبرك علينا الجزء 50 ^^
يعطيـــــــــك ألف عـــــــآفية طاطا ام ندوشة + كلشي يهبل ماكلآتك روعة بالصحة عليييييكم
صفصوفتي ميرسي بزآف فرحت ي عجبوك اطباقي لهيه هههههههه مام نتي شطوووورة الله يبـــــــآركـ
وهدآ لغدا لي درت اليوم ماعندوش اسمو بيسك خرطتو من راسي هيهيهي وجا هآآآآآآآآآيل
ودرت معاه لآبوري
وبصحتكم كاامل اطباااقكم روووعة
الله الله على دوك الكيكــــــــــآت يشهو يممممي
رووووووعة بصحتكـــــــــــــــــم
الف مبروك الجزء 50 انشاء بهادا الجزء يرجعو لي راهم يطلو من البارسيان ههههه
يعطيييكم الصحة لبنات كلش يشهي من يديكم
ندوش كالعادة اطباق في القمة اعطيني لاغوسات تاع القراتان تاع البطاطا تبانلي بالجاج
لاصافا سنيوة متولة من كلش يعطيك الصحة
شوشو عيد ميلاد سعيد لوليد خالتك لي تارت هايلين وبصحتكم
زهور الشوق بصحتكم البلا لي اخترعتيه يبان هيل روز هاداك ولا واش
صحا عشاااكم لبنات
هادا الباروك تاع الجزء
بيسكوي رولي درتو البارح وباتيسري
ام نوسة هذاك قراتان شفلور يجي مممممممم
تفوري الشفلور حتان يطرى
ومن بعد تديريلو ملح وفلفل اكحل ..سنات ثوم وفرماج تاع الميزان وتمرسيه بالفرشيطة شوية
تنصبي مرقة بيضا بالدجاج … ومن بعد تفتتيه ..وتخلي لاصوص تاع الدجاج بجهة
تقطعي بطاطا دوائر وتقليها
ومن بعد في المول ..تحطي الشفلور الممروس + الدجاج المفتت والبطاطا المقلية + زيتون مقطع دوائر ومعدنوس // ماكانوش عندي
تجيبي لاصوص تاع الدجاج تضيفيلها 4 بيضات وتصبيهم على الخليط
اذا عندك زيديلهم فرماج روج من فوق
ودخليها للكوشة
تجي تهبل
وي سكالوب قسمتو على زوج نص درتو فالحشو فتتو وحمستو بشوية زبدة وتوم وتوابل*كروية فلفل اكحل شويية قرفة وكمون+شوية ملح ومعدنوس* بعدها خطتومع الروز + فروماج
والنص لاخر خليتهم صفيحات كل صفحة دهنتها بشوية خردل*لاموتارد* زيت زيتون شوية ملح وتوابل ومعدنوس وحطيت طقة فوق ختها وخليتهم يريحو ابري ستفتهم وعمرت الحشو داخلهم وغلقتهم بالخيط وحطيتهم فالفور