آهلا وسهلا بالجميع
درت لي باركات و صورتهم قلت نحطهم يعطوني رايهم 
نحتاجو لــ : لحم مرحي ، زيتون نتاع طاجين ، زيتون أسود ، فرماج مبشور ، فرماج عادي ، ماييز ، طون ، بصل ، توابل ، ملح ، زيت ، حبة بيض
في مقلاة نحط البصل يتقلى بعد ما نقطعوه و نضيفله اللحم مرحي و زيتون نتاع طاجين مقطع لشرائح صغيرة و نبدو نقلو فيهم مع بعض مع اضافة الملح و التوابل ( في التوابل حطيت برك فلفل أسود و أنت حرة في الاختيار )
فنتحصل على الحشو
بعدها نضيفو ليهم البيض ، الماييس ، الطون ، الفرماج العادي
بعدها نخلطوهم مع بعض
نجيبو لي باركات كاين لي تشريهم و كاين لي يصنعوهم أنا شريتهم لضيق الوقت و نبقو نعمرو فيهم بالحشو
بعدها نزينوهم بالفرماج المبشور و زيتون الأسود
ندخلهم للفرن و منخلوهمش بزاف
إن شاء الله يعجبوكم
سلام 
جاوك هايلين
تسلم ايدك
|
الله يسلمك حبوبتي
ههههههههههههههه
ماشي خسارة فيك شيماء
ربي يقبل
مشكورة على الطريقة
تم نقل الموضوع إل ركن وصفات السندويشات والمعجنات والمخبوزات الحصرية والمجربة