وشراكم يا لبــــــــنات نتمنى تكونو كامل بصحة وعافية
هذه مشاركتي في فعاليات صيف حواء اللمة حبيت نطرح شيئ جديد في مجال تجهيز العروس
كيما نعرفو دايما الاهتمام يكون غير على الملابس ، الفراشات ، الكوسميتيك ، ….الخ
اليوم راح نسقط الضوء على اكسسوارات الحمام ضروريا جدا لأي عروس خاصة عرايس اللمة كامل من اصحاب الذوق الرفيع ، حاليا راهي متوفرة بكثرة في أسواقنا وموديلات و أشكال هايلة و ألوان باهية تخرج على الحمامات العصرية الي بألوان جريئة مثل الأورنج ، الأخصر ، الموف ، الأسود ، الأحمر راح نخصص لكل لون وش يخرج عليه وجميع الي اخترتهم شفتهم من قبل في أسواقنا وشفت حتى أحسن منهم
للأسف ملقيتش صورهم في النت
بســـــــــــــــــــــــم الله ……
أولا راح نبدا بحمامي لونه موف كلار و ابيض فأخترتله هاد الطقم
اللون الوردي هاد الطقم طبعا يخرج على أكثر من لون ادا كان حمامك أبيض أو وردي أو حتى موف
اللون البرتقالي والي أنا بدات نعشق فيه سيرتو في الحمام للأسف حمامي موف 
يخرج هااايل ادا كان حمامك نواغ
المووووووف فونسي عاشك الملاين يخرج على الحمامات البيضاء أو الموف أو الغوز
اللون الأخصر
الأحمر الجذاب يخرج هايل على النواغ
الأزرق مع انه لون قديم شويا بالنسبة للحمامات بصح نعطوه حقه
ادا كان حمامك أ بيض أوأسود يخرج عليه جميع الأولون و من الأفضل تكون ألوان قوية باش تكاسي اللون
في الأخير ان شاء الله نكون ساهمت ولو بشيئ قليل بخبرتي البسيطة في هاد المجال ( احم احم حوحو شكار روحو 
)
نتمنى تكون نالت اعجابكم
ســـــــــــــــــــــــــلا مـــــــــــــــــــــــــــــ ــــــــي
نورتينا اختي احساس
وحاجات باهيين تحتاجهم كل عروس
يوضع ضمن
فعاليات صيف حواء اللمة الجزائرية 2024
يسلمو
عجبوني الالوان و الموديلات
يعطيك الصحة ختي
|
نورتي أختي ساندريلا
|
المهم تكون عجبتكم نورتييييييييييي