قريوش الوردة ~ تلمسآني ~ 2024.

حبيبآتي ,, جبتلكم اليوم وصفة نتآع قريوش تعلمتو على مرت عمي تلمسآنية

الله يبـــــــــآرك، كامل لآفآمي يحبوا قريوشهآ، ودرك وليت انا المشهووورة بيه

نبدآآآو على بركة الله :::

المقآديـــــــــــــر:

300غ زبدة طرية، 1 كلغ فرينة، قرصة ملح، 1 م ك سكر، 1 م ك خل ابيض، حبة بيض كاملة،

1 خميرة كيميائية، ماء زهر.

طريقة التحضير:::

بكف اليد نحاولو نخلطو الفرينة مع الزبدة، حتى يتجانسو كامل وتتشرب الفرينة كامل، نضيفوا المواد الجافة ثم البيض وأخيرا نلمو العجينة بماء الزهر او ممكن استعمال ماء مخلط بماء الزهر

العجينة مالازمش تكون طرية بزااف وما لازمش تكون يابسة

نخلوا العجينة ترتاح في الثلاجة مدة ليلة كاملة او مدة طويلة

نآخذ كرة من العجينة وتوجوغ في التوريق نرشوا فرينة مخلطة مع شوية مايزينة
نحلها بالحلال ومبعد نطويهآ على 3 ونعاود نحلها

انا فوتها في المشيينة اولا على رقم 3 ثم 4 ، ما تخليتهاش رقيقة بزااف هاك باه ما يجيناش القريوش يااابس

نقطعوا مربعات، كل وحدة والحجم اللي تحبوا، في الوسط عملت 5 خطوط حتى تجيني وردة هايلة

طريقة تشكيل الوردة نتمنى تكون مفهومة باسكو ما كانش شكون يصورلي الطرق:

اول شي ناخذو شريط وشريط اللي بعدوا لالا وهاك حتى الاخير، في لافان نحكوا بيان هادوك ليكوان مع بعض حتى يكونوا راس الوردة وندخلوه في الوسط حتى نتحصلوا على هاد الشكل

نخلوهم يرتاحو شوية، ونقلوهم في زيت سخووووووووووون، وديما نكبوا الزيت من فوق على الحبة حتى تنتسف بيااان وتجي فارغة من الداخل

ونعسلووهم سوا مباشرة على عسل بارد او حتى يبردوا على عسل سخوون مي ردوا باالكم لا يتفتوولكم باسكو يجوا خفاااف بزاااااف

نحطوهم يقطروا على الكسكاس، ونرشوهم بالجلجلآن في الآخير

هآدوا دآيتهم معآيآ لدآر جدي


شكون تحب نبعثلهآ

نتمنى تعجبكم وصفتي

سلآمـــــــــــــي / روكآ

الله يبارك جاك رووووعة
امممممممممممم املا ندي لبار نتاعي
يعطيك الصحة حنونة
بصحتك

متنساينيش غي بوحد الطبيسي ههه