أعود أليكم اليوم يا أعضاء لمتنا
بصور حيوانات البادية (الدوار)
وانا كنت في ضيافتهم
ورجعت إليكم بهذه الصور
(ما شاء الله)
نبدأ أولا بخم الدجاج المبني من الحجر
وانا لي بنيتو منذ 4 سنوات
أنا وجدتي عند الحيط
رانا في زوج حيطيست
الشوماج قتلنا
ههههههههههه
نبداو مع الحيوانات
ونبداو بفصيلة (مواشي اللمة)
هذو زوج جديان روعة
وهاذي المعزة ترضع في وليدها
وهذا القطيع كامل
وهذا عمي لخروف
رانا نوجدو فيه باه نقضيو عليه في العيد لكبير
هنا راني نشرب في لمعزات
راني وليت دواري 100/100
وفخور بذلك
وهنا ندخلو لفصيلة (دواجن اللمة)
الداندو العملاق
تصورت معاه ولعشية ذبحناه وكليناه
الله غالب هذي هي سنة الحياة
وهذو بقية اعضاء (دواجن اللمة)
الفروج والجاج والفلالس والبرك
ههههههه
الفلوس الصغير
يكبر ويولي فروج
وهذي عمتي البركة
نموت بالضحك كي تكون تجري تقول عليها وحدة سمينة ولابسة طالو
ههههههههههههه
وهذي قطتي الصغيرة واسمها نميرة
محبتش تشارك في ستار أكاديمي القطط
هههههههههه
أنا
ومن ورايا لفيرمة
زعمة كيما
(أنا وبعدي الطوفان)
هههههههه
شجرة التين نشفى عليها ملي كان عمري 4 سنين
مازالت هي هي
وعندي تحت الظل تاعها أجمل ذكرياتي
الجنان والجردة
لمزية كاين شوية اخضرار في وسط هذيك السخانة
وفي الاخير صورة للجوهرة (مرام)
ما شاء الله عليها وربي يحفظها لوالديها
أرجو ان الصور أعجبتكم
وان الجولة في البادية أمتعتكم
وانتظروا المزيد من الجولات المصورة
في أماكن اخرى
وفي الأخير تقبلوا تحياتي
فارس ولد العلمة
لي فوتو كامل شابين ودوار دزاير شباب بزاف
في انتظار جديدك
تقبل مروري المتوضع
سمر
الصور هايلة فوووووووووور
أنا مستعجل آسف
ولكن فيما بعد سأعود وأرد عليكم واحدا واحدا
|
يعطيك الصحة يا سمر
بصح هذا دوار العلمة ماشي دزاير
|
أهلا دعاء مرحبا بك؟؟
الدوار هذا جاي قريب لجرمان
كي نوصلوا للقرية تاع جرمان ما ندوروش عليها ندوروا العكس يعني على ليمنا ونكملو نمشيو بين الشجر حتى نقطعو طريق الماشينة
ثم نلقاو الدوار
شكرا جزيلا
ماشاء الله صور جميلة
وطبيعة خلابة
وأحلى شي تعلقاتك عليها فطستني ضحك ههههههه
سيرتو القطة خليها تشارك فستار أكاديمي ونضمنلك بللي نصوتوا لها
ولا البطة اللي زي وحدة سمينة بالطالو :biggrin:
والله الدوار مكاش زيو
تمة الواحد يحس بالراحة
خير من المدن
اللي حاب يعيش حياتو يروح للدوار تمة يستمتع تاع الصح