حبيباتي ربي يجازيكم الجنة ان شا الله انتم وكل الأعضاء الي عاونونا ولو بدعاء
اختي هبة الحمد لله لقينالها عبوة دوا على جال هاذ الشهر وان شا الله نزيدو نلقاولها للمرات الجاية
الحمد لله مازال كاين الخير وناس الخير
بهاذ المناسبة درت غرايف لأننا عندنا في الشرق كي يكون خبر يفرح ولا حاجة تفرحنا نديرو غرايف
لعقوبة ان شا الله ربي يلطف بحبيبتنا هبة وتشفى وترجع كيما زمان واحسن ان شا الله يارب
نبدا على بركة الله
المقادير:
كيلة دقيق
ملح
ملعقة ص ونصف خميرة
ملعقتين سكر
بيضة
2 ملاعق كبار حليب بودرة او كأس حليب
ماء دافي
2 ملاعق كبار زيت
التحضير
الدقيق + الملح+خميرة+سكر خلطيهم ولوحي عليهم الزيت خلطي مليح ومبعد خلطي بالما الدافي وزيدي البيضة وزيدي لوحي الحليب وخلطي
وخليها تخمر حتان يتضاعف حجمها
جيبي مقلى مليحة او طاجين ارطب (خاص بالغرايف)
ادهنيها بالزيت باش ما يلصقش العجين
لوحي بالمغرف دائرة وخليها تطيب
واخيرا هكذا تجي
ذوبي زبدة وخلطيها مع العسل وادهني الغرايف
شهية طيبة
ماتنساوش ادعوا لهبة بالشفاء العاجل ان شا الله
اولا ربي يشفي اختنا هبة وان شاء الله تعودلنا بالف صحة وعافية يارب
يعطيك الصحة ديما شاطرة رمولتيي
احنا نقولولو البغرير
مرسي خيتووووو
ربي يشفي هبــة ويعافيهــا ويرجعهــا بألف صحــة ان شاء الله
+
اممم راكي فحلــة ، خرجووولكـ هايليـــن
يعطيكــ الصحــة حنونه
كيمآ قآتلك بشرة أحنآ نقوللهم آلبغرير
ان شاء الله يشافي اختنا هبة
تاكلو بالصحة
نورتو ،، الله يفرحكم
يعطيك الصحة