عزيزتي العضوة كوني أجمل مع بنات اللمة الجزائرية
كثيرة هي تساؤلات حواء حول أمور الجمال
فهي تتمنى أن تظهر بأبهى حلة
وبين الوصفات الطبيعية والماكياج الذي يباع
تتساءل الفتاة أي وصفة وأي ماركة تفيدني
كما تحتار أيضا بين
أنواع ماركات الأجهزة التي تستعملها وبين أسعارها
ونتيجة فعاليتها
كآلات نزع الشعر ومجففات الشعر وغيرها
وبالتالي : نحن هنا من أجل إفادة بعضنا البعض
الموضوع مخصص:
-لطرح التساؤلات حول مشاكل البشرة وكيفية التعامل معها.
-اذا ماتم طلب نوع كرام مثلا او خلطة للوجه والجسم ومشاكل نزع الشعر تستطيع العضوة تصويره لتفيد به.
-خاص كذلك بارشاد العضوات لما يبحثن عنه مع اعطاء نتيجة الوصفات والخلطات سواء كانت سلبية ام ايجابية
-احترتي في نتائج مرهم ما يمكن ان تسألي هنا وكل من استعملته ستفيدك
-اطرحي استفسارك آنسيتي سيدتي
وستكون المساعدة بإذن الله من قبل عضوات اللمة الجزائرية.
وفي نفس الوقت الموضوع مخصص لطرح:
نقف عند طلباآتكن ،استفساراآتكـن وتساؤلاآتكـن عن كل ماآيخص
♦• الماكياج •♦
♦• ادوات الماكياج •♦
♦• طرق استعماله •♦
♦• وماركاته •♦
فأي إستفسار حول المكياج أو مايتعلق به يطرح هنا
فأهلا وسهلا بإستفسارتكن
انا اللولى اللي رايحة نبدا بامشكل على خاطر انا مشاكلية ههههههههههله
المهم المشكل في البشرة نتاعي راهي كارتة فيها الرؤوس السوداء على الانف وجهة الخدود من بكري خدودي الله الله باهيين وزادولهم هادو .فيها الحبوب صغار سيرتو ك تعود حاشاكم لالا هديك مشرفة هههههه.
المشكل لكبير القشور اللي مهبلني من قبل كنت نستعمل في الثابون دوف موالمنيش وليت نغسل ب بالموليف ف اللوول عادي مبعد نفس المشكل لقشور وليت منغسل بحتى صابون….و منحكيلكمش على الحكة اللي راها قتلتني………
كل اسبوع ندير حمام لوجهي وقارص وزيت زيتون وملح ولا سكر اليوم اللول يكون صافي وضاوي روعة مي مبعد يولي خخخخخخخخخخخخخ سيرتو كي نعود رايحة لكاش بلاصة وندير فوندتان يا يما وين تكون القشرة تنوض
رجاء من الاخوات يخلصوني من المشاكل هدي سيرتو عرسي قريب و راجلي جاي نهار الاحد ان شاء الله ليعود يخلع من وجه ههههههه كاش وصفة ولا حاجة اللي تنحيلي القشرة ووالرؤوس السوداء
وجزاكن الله خيرا وجعلها في ميزان الحسنات والسلام عليكم
|
حبيبتي على حساب مافهمت ،، انا نتوقع السبب الرئيسي ممكن من الصابون نفسو لانو فيه مواد تنشف البشرة ومايوالمش اللي بشرتها جاةف او مختلطة ، جربي استخدمي غسول سائل يكون أحن ع البشرة ،، وأحرصي ديما ف الصباح والليل بعدما تغسلي وجهك بيه تحطي كريم مرطب للبشرة واستنايه حتان تتشربو البشرة وبعدها حطي الفوندوتان
لازمك تواظبي ع الشي هدا وان شالله تخف المشكلة تاع القشور ،،
لازمك أيضا تشري مقشر للبشرة ومرة أو مرتين ف الاسبوع تستخدميه باه تتخلصي من الطبقة السطحية للجلد الميت للبشرة وتجدديها وكذلك تساعدك ع التخلص من الرؤوس السوداء،، وبعد المقشر امسحي وجهك بقطنة فيها ماء الورد وبعدها حطي كريم مرطب كالعادة
واظبي ع الطريقة هدي وان شالله رح تلاحظي انها خفت
ماتنسايش رانا ف الشتا والجو بارد وجاف وهدا يزيد يجفف البشرة ويخليها عرضة للتقشر ،، وبالتالي لازملها عناية اكثر في موسم الشتاء
|
أهلآآ بيكـ اختي
الصرآحة انآ نعرف الحلبة غير للسمنة
والزيت تاعهآ نسمع بلي كي تحبي تسمني منطقة تدلكي بيه
انتي لوآش رآيحة تستعمليهآ ؟؟ وضحيلنآ أكثر بآش نقدرو نعآونوك ؟؟
|
شكرا حنونة
نحوس نستعملها للخدود ولارداف مي ماش زيت الحلبة انا حبيت نعرف اسكو كاينة صح منها البذور نتاع الحلبة كي تتغلى وتتميكسا مع الخميرة مليحة لتكبير الخدود والارداف و…………. وشكرا
|
لكن الخليط هدآ مسمعتش عليه
ان شاء الله تلقآي كآش وحده تفيدكـ
شكون تعرف عفسة
للحواجب
درك انا ماش حاب نلقطهم
موالفة ندير فوقهم ماسكارا خفيفة كي يعود عندي عرس مثلا
يبانو معدولين
مي درك كي نصبغ شعري
كيفاه ندير اسكو نصبغهم ولا كاش وحدة تعرف عفسة مليحة ابار لكريون تفيدنا بيها
|
السلام الاخت انا ما نلقطش حواجبي لكن نستعمل واحد الخلطة من 2كريمات نديرها في المنطقة اللي راني حابتها ما تبانش تبيضها لكن ماشي ديكاباج علي خاطر كاين اللي يستعملوه بصح ما ننصحكش بيه لانه يحرق .ومن بعد نتراسي حواجبي بتراسور خاص بيهم يتباع في الاسواق فيه لونين بني واسود وكاين مادة سموها الحرقوس تتراسي بيها وهي كذلك فيها اللون الاسود والبني وتقعد شحال من يوم كيما الصباغة. اذا حبيتي نرسل لك الماركة نتاع الكريم .