كيفيكم يا طباخاتنا توحشتوني هنا علبالي
مكنتش ناوية نرجع درك راه مخيمنا ناوي على قسم اخر مي كي اصرت ختيتي فرح البسكرية عليا قلت لازم نلبيلها طلبها ,,,
هذي تعلمتها من أختي و درتها مرة برك و هذي ثاني مرة نجربها
نبداو بالمقادير :
عندنا 5 بيضات + كاس سكر+ 200 غرام زبدة أو كاس زيت + 2 كاس سكر + 2 م / ك كاكاو + 1 خميرة نوارة 
التحضير :
نبداو نكسرو البيض نخلطوهم شويا نضيفلهم السكر بعد نخلطو مليح مليح بعدها نضيفو الزبدة بعد منذوبوها و نزيدو الكاكاو نخلطوهم مليح بعدها نضيفو الفرينة و لخميرة
كي نفوتو نخلطوهم جيدا نحطو الخليط ديالنا يطيب لدرجة نار متوسطة
كي توجد نخلوها في جيهة تبرد
و نروحو نوجدو الكريمة
مقادير لكريمة :
200 غ زبدة + 2 كاس حليب + 1 م / ك فاني + بيضة واحدة + 2 م / ك فرينة + كاس سكر
كيفية التحضير:
لكريمة شويا انا جاتني صعيبة المرة الاولى مخرجتليش 
مي هذي المرة حمد الله
نحكمو اولا البيضة نخلطوها مليح مليح نزيدو نضيفو السكر و نخلطو ثانية بعدها نزيدو نديرو لحليب مع لفاني بعدها الفرينة هذيك نخلطوهم جدا و نديريهم على نار هادئة ونبقاو نخلطو
كي تسخن انضيفولها الزبدة و نكملو نخلطو
حتى تشوفوها رجعت ثقيلة شويا كي الميايوناز كي تثقال هكاك بعد
و نخلوها تبرد بعدها نديروها مدة نص ساعة في الثلاجة
النتيجة كما ركو تشوفوها
درك نرجعو للقاطو ديالنا
نروحو نوجدو الدوائر ديالنا كما التالي
و الباقي نسكرفجوه كما الصورة
و مابقا غير نحضرو الدوائر ديالنا
و هك النتيجة النهائية
ان شاء الله تكون الطريقة عجبتكم
رني نستنى أرائكم المشجعة
دمتم بخير
والى اللقاء
في أمان الله
صحيتي يا زينة نتاعي عندي شحال وانا نستنى واخيراههههههههههههه
ايه غدوة بربي ان شاء الله نجربها ولازم تاني لانوا عجبني بزاف
شكرا شكرا شكرا فلفولتي ربي يخليك ليا يا لعزيزة ربي يفرحك وتسلم الايادي الحلوة نيالوا لي تكوني من نصيبوا ههه
بوركتي حبيبتي
يميميميم قتلك قويتي خلاه خلاه يابنتي خخخ
يعطيك الصحة عجبني القاطو خدمتيه هايل
هادا نجربو ان شا ءالله
ودرك انتقلت العدوى لفرح خخخخ وشفت قبيل ملاك
يعني بنات اللمة ناويين على الكوزينة هاد العام
ربي يحفظك فلفولة
في انتظار وصفات اخرى
يعطيك الصحة على الوصفة الرائعة
|
ممكن لكريما تجيك شويا صعيبة ملازمش تغفلي عليها سينو تتخسرلك ويعطيك الصحة على كلامك
|
رنا نستناوك نشوفوك ثماك ما أحلى كي يجتامعو بنات اللمة في كوزينة وحدة
|
رني شفت ليوم فرح و ملاك في الكوزينة فرحت متتصوريش ربي يدوم هذا النشاط و يزهينا في لمتنا معناش غيرها نستمتعو
رني نستنا التطبيق عن قريب
|
أهلا بيك
روع تسلم الايادي