حنيونات البصل الاخضر من مطبخي 2024.

السلام عليكم و رحمة الله و بركاته

اليوم جبتلكم وصفة سهلة و اقتصادية في نفس الوقت خاصة انه اغلب النساء يرمو الاوراق الخضراء تاع البصل
لكن انا ملي عرفت الوصفة وليت مانرميهاش ابدا

المقادير:
اوراق البصل الاخضر
نصف ربطة معدنوس
2 ملاعق كبيرة فرينة
2 بيض
ملح،فلفل اسود
زيت

_ نغسل الاوراق . نقطعهم نقليهم في شوية زيت حتى يذبالو شوية
_ نضيفلهم المعدنوس مقطع و الملح . الفلفل اسود . نقليهم مليح
_ نحيهم مالنار نخليهم يبردو شوية و نديرلهم البيض و الفرينة نخلطهم مليح
_ الصور توضحلكم الكمية لي ستعملت تاع البصل
_ نرفد الخليط بالملعقة و نحطو فالمقلات لي كنا درنا فيها الزيت سخن

نتمنى تنال اعجابكم
دعواتكم لابني بالشفاء

شكلها لذيذ والوصفة جديدة وسهلة جدا يعطيك الصحة اختي ام سلمى
بارك الله فيك

اممممممم سلوم تشهي ويعطيك الصحة

تبان بنينة و صحية

الوصفة تبان هايلة
تسلم ايديك اختى
وربي يشفيلك وليدك وتشوفيه معافى بااذن الله

حالياً الأعضاء النشيطين الذين يشاهدون هذا الموضوع : 179 (2 عضو و 177 ضيف)
‏nour el hanna, ‏om selma

وعليكم السلام الوصفة هايلة يعطيك الصحة اختي

اولا ربي يشفي وليدك عاجلا غير اجل
واما عن الوصفة فهي سهلة وشهية وراح تكون بنينة لانها من يديا
شكرا لكاختي

شكرا ليكم على مروركم الطيب فرحتوني نتمنى جربوها و تعجبكم