تبارك الله مشاء الله
ان شاء الله كامل تكونو ملاح
عملت حلوى بالوز ايفيلي حلوى ساهلة التحضير وبنينة بزااف حبيت نحطهالكم للافادة
المقادير
250غ مارغارين دايبة
250غ لوز مرحي محمص
100غ سكر قهوة
1 حبة بيض
نص باكي خميرة الحلوى
ملعقة صغيرة فانيليا
الفرينة
العسل
لتزين لوز ايفيلي
طريقة التحضير
في ايناء نخلط المارغارين الدايبة مع البيض والسكر ولفانيليا
هنا خلطنا جيدا
هنا نضيف الوز والخميرة ونواصل الخلط
هنا نضيف الفرينة شوية شوية حتى نتحصل على عجينة متماسكة
هنا نتحصل على عجينة بهاد الشكل انا حطيتها كيس السوليفان وحطيتها في الثلاجة مدة 3 سعات
هنا نشكل حربوش ونقسمو مقرودات
هنا حطيتو في بياض البيض ورمدتها في الوز ايفيلي
ورمدتها مليح وحطيتها في الفور درجة الحرارة 180د
وكي طابت الحلوى خليتها بردت وعسلتها
ان شاء الله تعجبكم الحلوى وكي العادة الي عجبتها تعطيني دعوة شاااااابة من قلبها