السلام عليكم : اخواني حبيت نطرح اعليكم موضوع وجاوبوني …كيف بضاربوا اولادكم مع اولاد الجيران ويجيك ولدك ام بنتك تبكي وتعيط راهم ضربوني اولاد الجيران اتجي مع بنتك او مع جارك ؟؟؟ يعني اتروح اتعارك (تداوس) مع الجيران على بنتك وتربح العيب امعاهم ؟؟او تحكي مع بنتك وتحاول تهدئتها وتعلمها طريقة اللعب وكيف تسامح وتربح لقدر مع جارك واش اديروا ذرك ؟؟ او خليني انوركم بهاذي لحكاية صارت ازمان على لعراك تاع اذراري…كاين اثنين اولاد الجيران اتعاركوا جاء واحد منهم الى دارهم يسيل دم ويبكي..كي شافوه اهلو اتخلعو وقالولو واش بيك ؟؟قالهم اتضاربت مع وليد الجيران ..اتغشوا (اتعصبوا) الاهل واداتو الحمية مول الدار وراح الى جارو وقالو شوف اوليدك واش دار في ولدي وبدا ايصيح فيه والجار اهدي فيه وقالو هاذو اذراري منتبعوهمشي اوذرك انعاقب ولدي هدن روحك ما تزعفش يا جاري لعزيز…بصح جارنا اللي ولدو مضروب زاد اطلع الفوق بلعياط والهدرة الزايدة او قالو ذرك انروحوا نشكوا وانديرلك قضية …حاول لاخر اهديه وقالو العن الشيطان منتبعوش اذراري…بصح لاخر قالو والو قدامي للمحكمة كل واحد ادى اوليدو امعاه وراحوا للمحكمة الجيران في زوج يمشو القدام وهم يتعاركو ويتلفظوا على بعضهم…ولولاد في زوج يمشو وراء والديهم يهدرو ويضحكو اتلفت الجار فجأة شافهم يضحكو قال الى جارا شوف اذراري واش يهدرو كيف دارو والديهم باش اشوفوهم سمعوهم يقولو ذرك انروحو مع والدينا الى المحكمة وبعد ما نرجعو باش انكملو هاذيك اللعبة …كي سمعوهم هكذاك قال الجار المتعصب هيا يا جاري نرجعو لدار نحن اربحنا العيب في بعضانا واذرارى معلبالهمش بوالو سامحني يا جاري لعزيز غالط اللي اتبع لولاد…..واش رايكم ؟؟؟ دمتم . سلام
هادوك هوما الدراري يتفاتنوا اليوم ويتصالحو غدوا
والاباءهادي حالتهم ………………. 😡 😡
شكري الجزيل الى كل من ترك بصمته لاثراء هذا الموضوع بارائه الطيبة…
تحياتي كل اعضاء اللمة ولكل المتواجدين…
سلام جميل من سراب الروح و دمتم.
والله انا كون جا عندي ولاد ان شاء الله ندير حق في ولادي حتى لو كانوا مش ظالمين
كما يقلك الجار قبل الدار
وهذي هي لعبة ذراري صغار يتعافروا ومنبعد يرجعوا لبعضاهم
بصح كي تكسب جارك تسحقوا
ولك مني احلى التحيات:001_smile:
شكرا اخي محمد الصالح و jiji
على مروركم الطيب
دمتم ودامت مداخلاتكم
تحياتي للجميع
اكيد جامي نتبعو الاولاد
وفيك بارك الله اختي مروة…شكرا على رايك الطيب دمتي ودامت ارائك…
تحياتي لكل اعضاء اللمة ولكل من وضع بصمته لاتراء هذا الموضوع.
دمتم.