كنت ديما نظن ان الموسكوتشو نحضروه باستعمال الباتور الخلاط…بصح مرة في سهرة ذوقوني موسكوتشو خفيف وبنين وقالولي بللي حضروه يدويا بلا الباتور
ياريت اللي عندها هاد السر تثقفنا بيه 
وبارك الله فيها
وكل عام وانتي بخير ان شاء الله
ولاروسات تاعو عادية تاع 6 بيضات ب 6 مغارف زيت و 6 سكر وخميرة وفاني وفرينة
|
ختيتي only me مشكورة على الرد وياريت لو تكملي معايا الخير وتقوليلي على الخطوات بالتفصيل الممل وربي يعطيك ما تتمناي حنونة ويبعثلك خبر مفرح هاد ال3الايام…اميييين
أكسري البيض في وعاء وضربيه بالمغرفة ولا الفرشيطة وزيدي الزيت مع التحريك وزيدي السكر وقرصة ملح ، والخميرة ديريها مع الفرينة وابداي تخلطي على الخليط لاخر حتى تتحصلي على عجينة شبه سائلة ن أدهني المول بيان وزيدي رشيه بالفرينة وفرغي العجين تاعك فيه وديريه في الفور وماتحليش عليه حتى تشوفيه بدا يحمار على الحواف ومن بعد دخلي موس باه تعرفي اا طاب الداخل ، اذا خرج الموس ناشف معناها طاب ، شعليلو من الفوق باه يتحمر