السلام عليكم و رحمة الله و بركاته
اليوم جبتلكم اكلة تقليدية قريبة من بومهراس ان شاء الله تعجبكم و تطبقوها
على بركة الله نبدأ
المقادير
5 طماطم ثوم فلفل حار
ملـــــــح
حشيش 1 ليمون ماء بوفجوخ
العجينة
دقيق ملح ماء
الطريقة
نحضر العجينة ندلكها شويا ثم نبسطها براحة اليدين نطيبوها في الطاوة او الطاجين
نفتتها على سحانتها تكون شويا كبيرة على شخشوخة الظفر
نهرس الثوم مع الملح و الفلفل
الان مضطرين لاستعمال اليد كون المهراس الطويل مينفعش لان الاكلة فيها الماء
نسحن الماء مليح .. نضيف المكونات للكسرة ونمرس باليد نصيف الماء بشويا مع الاستمرار في المرس نضيف عصير قارص كاملة بوفجوخ و شويا من العصارة ديالو الحشيش مقطفة
الماء لازم يكون متوازي مع سطح الكسرة كون يتجاوزها تسماط الماكلة
و بصحتكـــــــم
ملاحظة : نقدرو في مكان القارص نستعملو عصير الرومان الحامض شويا يكحال البطوط بصح يجي بنين
أرحب بكل إضافة أو إستفسار
جاك هايل ويشهي
وهذي وحدها تنسي في كلش
عندي اضافة بسيطة فقط هي اضافة القنطس كان تسمعي بيه
|
يسلمك حنونة
نعرفو …..
مندروهش بصح يجي …..يدعم الحرارة :laugh:
ياااو راكي بسكرية ونـــص 😉
القنطس ندو
|
:luve_2::luve_2::luve_2:
وشكرا على الوصفة
|