وَ
رَحمَــَــةُ اللهِ وَ بَرَكَآتِهِ
ان شآء الله تكونو ب ألف خير يآ رب ،
علآبآلي رآني غآيبة ، القرآيآ و الضغط تآعهآ مآخلآنيش ندخل للكوزينة ..
اليوم قلت نجيبلكم طبق سآهل ، بنين و غير مكلف ،
درت هآذ الطبق نهآر جآو عندنآ دآر عمي ، انآ قمت ب الطيآب
[ الصرآحة عجبهم بزآآآف 
]
ولي هو :
أرز بـ السّـآردينْ / من مَطبخي ~
[ بِسْمِ الله ]
المقآدير 
:
– أرز
– خضر [ جزر + جريوآت + جلبآنة ]
هذآ وش استعملت من خضر تقدري تزيدي كيمآ تحبي انتِ ،
– سردين
– لآصوص : ثوم ، كمون ، ملح ، طمآطم ، فلفل أكحل ، زيت ]
الطريقة 
:
– نغليو الأرز وحدو في المآء ، و في هآذآك الوقت نقطعو الخضر لي عندنآ ،
أنآ برشتهم بالطول و حطيتهم في مقلة مع شوي زيت و ملح و توآبل و خليهم حتى ذبلوو
و كيمآ يطيب الأرز شليه مليح و خليه يصفى ، مبعد ضيفيه للخضر في المقلة
و أبقآي خلطي بالشوي على نآر هآآدية ،
– هنآ تقدري تزيدي تكسري البيض عليه كيمآ تحبي [ اختيآرية ..
– و من جهة اخرى تكون نظفتي السردين و نقيتيه و وجدتي لآصوص تآعهآ
تقليه [ الطريقة العآدية فقط تلفيه كيمآ في الشكل النهآئي ]
و هنآ تكوني كملتي طبقك بنجآآح 
،
و تحطيه في طبق التقديم و التزيين عليك و على شطآرتكـ ،
و هذآ الشكل النهآئي 
:
نتمنى يكون عجبكم طبقي ~
و السَّسَّسَّسَّلآم ~
صَفْصَفْ ^^
يم يم جوعتيني هه
يعطيك الصحة و موفقة
من شكلو يبان يشهي
يعطيك الصحة حنـونة
بصحتك
يعطيك الصحة
طبق رائع يعطيك الصحة صفصف
طبق جميل جدا باين بنين
كي نشري السردين راني نطبق
حتى الموضوع يشرح القلب فيه الالوان ههههه
مشكورة حبيبتي
بصح خرجتلك هاااايلة ربي يبارك
تسلمي على الطبق اللذيذ
+تقييم