السلام عليكن….تكملة لموضوع الحنة … ولكل اخت تتمنى تعرف الخلطة اللي تعطيها نتيجة جيدة واسرع …فلها ذلك……………………… …1الخلطة الاولى.. المواد الاساسية هي 4 مواد…الحنة والسكر وعصير الليمون والماء…..
..
..
..
……خذي زلافة نتاع فخار او زجاج وحطي الحنة اللي كنتي غربلتيها تقريبا100غ+مغرف صغيرة نتاع القهوة سكر عادي وخلطي مليح+2 مغارف كبار نتاع الاكل عصير الليم (القارص) وخلطي مليح+الماء الدافي غير بالشوية حتى اللي تتحصلى على عجينة الحنة تشبه عجينة معجون الاسنان ماهي يابسة وماهي جارية ….
..غطي الزلافة ببلاستيك او علبة نتاع زجاج تكون بالغطاء نتاعها وهذا اجباري باش ما تتهواش ويتغير اللون نتاعها وتبقى طرية…وخليها تريح 12 ساعة ….مثلا اذا حبيتي ديريها في الليل …رونيه في الصباح …ولما تحبي ديريها هناك طريقتين باش تسخنيها الاولى حطي الزلافة على نار هادية وبسرعة خلطي وكي تحسي بلي سخنت سحبي الزلافة من فوق النار وما تخافيش ماريحش تتكسر الزلافة ..والطريقة الثاني حطي الزلافة وسط طاوة فيها ماء و حطي الطاوة فوق النار وسخنيها كيما نذوب الشكولاطة (حمام مريم)….والان نعرفك يا اختي الكريمة بلي غادي تساليني علاش نحط السكر والجواب هو لما تبدي تنقشي في الحنة لازم ما تتقطعش وهذا بمساعدة من السكر لانها اذا تقطعتلك فتاكدي غادي يصعاب عليك العمل وما تكونش نتيجة شابة …والصورة خير البرهان الاولى بدون سكر….
…. والثانية بالسكر
.. والسؤال الثاني مع هذه صورة 
الزلافة لم تغطى بالبلاستيك وكانت هذه النتيجة ..والان نتمنى اني نكون قدمت فايدة لكل اخت كانت تسال عن الخلطة ….وستنوني مع الجديد ومع الخلطة الثانية للحنة والمزيد ان شاء الله …..شكرا……وكلعادة الهدية…..نتمنى ان تعجبكن…
……..
……
…..
…….
..
|
شكرا لك على الطريقة لكن هل لاول مرة تخرج كحلة
|
يا اختي ….نكذب عليك لوكان نقولك تخرج كحلة مثل الصبغ الكحلة ولكن يخرج لونها داكن وخصوصا اذا خليتيها اكثر من 6 ساعات ومع استعمال الزيت ….ومعضم النساء اليوم راهي تشتكي من نوعية الحنة وتطلع ليهم بلون باهت وهذا لان الحنة بريمي …ونقولك اذا ما تحصلتيش على حنة ورقية جديدة …فهذه احسن ماركة نتاع الحنة….
…ومجربة للرشم ونتيجتها فعالة ونحن في الغرب الجزائري نستعمل هذا النوع فهو منتوج جيد….وتاكدي انها اذا وضعتيها مرتين متتاليتين تخرجلك كحلة ….ولكن انتبهي ..لما تشريها …اشري العلبة الخضراء(حنة الخلالة)..الصورة الاولى…و ليس هته…..
….ذات لون اصفر فهي مزورة و غير اصلية….وشكرا لك على المرور و التشجيع….:yahoo::yahoo::thum bup1::thumbup: