قمت و ترجمتها و عدلت عليها مع بعض الأضافات مني
اما لو تسويناها وتقدميها بطريقتك الخاصه بتطلع شي والكل بيسألك عنها
طبعا انتي بكل امانه بتقولي اخذت طريقتها من وحده الله يذكرها بالخير اسمها
امـــــــــــووول :wink34:
المقادير وانتي بكيفك حطي اللي تحبينه انا بعطيكم الفكره وانتوا اتفننوا :
خبز فرنسي يابس مقطع لمكعبات / او صمون قديم عادي
نص اصبع زبده
2 فص ثوم مفروم + بصله مفرومه ناااعم
ملعقه صغيره من خردل ديجون
جبنه كريميه اي نوع كيري يمشي الحال انتي شوفي الصوره وهاتي نفس الكميه
جبن شيدر مفروم
ملح + فلفل اسود
2 بياض البيض البياض انا قلت مو الصفار
الحين تابعوا الصور وبتعرفون الطريقه سهله وبسيطه
والشي اللي بتستانسون عليه ان الوصفه هذي تقدري تخزنيها بالفريزر لعدة شهور
يعني بعد ماتسوينها جمديها مثل السمبوسه بعدها تتركينها تذوب شوي ودخليها الفرن
نجي للطريقه وتابعوا الصور :
قطعنا البصل والثوم
بشرنا الجبنة الشيدر
قطعنا الخبز مكعبات
بالمقلآة نذوب الزبده ونحط البصل والثوم نقلبه شوي وبعدها نضيف الخردل
والملح والفلفل
هذا الجبن الكريمي
نضيف الجبنه الكريميه على الزبده نحرك شوي بعدها نحط جبنة الشيدر ونحرك
لحد ماتختلط مع بعض
نخفق بياض البيض لحد مايصير ابيض ومنفوش ونضيفه على الجبن طبعا شلنا المقلآية من على النار
نحركها شوي شوي
نغمس مكعبات الخبز بالخلطه ونغلفها زين ونصفها بصينيه فرن مدهونه
بالمرحله هذي تقدري تحطي الصينيه بالفريزر عشان تجمديها او عالفرن على طوووول
تترك تتحمر وتقدمينها مع الشاي
وخلآص
ان شاء الله عجبتكم الوصفه وانا ان شاء الله بدور لكم على وصفات سهله وسريعه
وللآمانه اللي حابه تنقل الموضوع بكيفها بس تذكر اسمي لو تسمح
حقوق الترجمه والنقل والرفع محفوظة لأمووول
في انتظار المزيد من الوصفات المميزة من رحلاتك في المنتديات يا فراشة المنتدى ههههههههههههه
الف شكر عزيزتي
شكراااااااا