اولا الشكل النهائي شفتو في احد المواقع الاجنيبة
اما كل الخطوات وطريقة التحضير اجتهاد شخصي 
المكونات
جينواز
كريمة شانتيي
واناناس معلب
وكريمة الزبدة لتغليف الكيكة
وطبعا عجينة السكر
سبق وحطيت طرييقة الجينواز
اختصارا للوقت
نبداو من هذي الخطوة
درت 3 طبقات جينواز وسقيت بعصير الاناناس
وحشيت بالشانتي + اناناس مقطع قطع صغيييررة
وهكذا حتان نكمل الطبقة الثالثة مانسقيهاش
نخليها ترتاح ليلة كاملة
ونحضر عجينة السكر لانو هي ثاني تحتاج الى راحة
ومن بعد نغلف الكيكة بكريمة الزبدة
ونبداو في
طريقة التزيين
الصور توضح كل المراحل
نقطع على ورق كرطون شكل الكول
وهو بدورو يعاونا في تشكيل عجينة السكر
ملاحظة كلما نجي نلصق قطعة من ععجينة السكر ندهنها دهنة خفيفة ببانسو
مبلل بالما …مانكثرش الما باش ماتذوبش عجينة السكر
مع مراعات انو الاشكال لي نقطعها متناسقة فيما بينها
ماتجيش الرقبة اكبر من اللزوم هي والكرافات وو
ندير تدرج في الالوان بين الازرق االفاتح والداكن بهذه الطريقة
ونفوت عليهم بالحلال مع رش النشا او السكرر المسحوق
باش ماتلصقش
ونحل عجيين السكر الابيض وفوقو التدرج اللوني تاع الازرق
ونشكل الكرافات
ثم باقي التفاصيل
وهذا شكلها النهائي
انا مانضنش نقدر نديرها واعرة شوية
بصحتكم اختي
|
علاه والله ساهلة
لازم تتربعي وتقعديلها وتخدمي باتقان برك لانو مافيهاش تفاصيل ياسر
عقبال ل 100 ربي يخليهلكم
|
شكرا ام رزق ..ربي يحفظك
عندك لخنوق وخاطرك واااسع
واش نقلك الله يبعد العين ماشاء الله تبارك الرحمان ^^
يعطيييك الصحة
جاتك هايلة بصحتو اللي ندارت على جالو