صدور دجاج
حبة بصل كبيرة
خبز مرحي ( la chaplure)
ملح + فلفل اكحل
بيضة
زيتون اخضر منزوع النوى
معدنوس
فطر معلب
الطريقة
ننزع العضم من صدور الدجاج
العضام تاع الصدر ننصب بيه مرقة بيضاء عادية يعني
نقطع نصف حبة بصل + شوية زيت + ملح وفلفل اكحل وزنضيفلها العضام المنزوعة من الصدور نقلي شوية ومن بعد نمرق ونخليها حتان تطيب ومن بعد نصفيها ونخليها
في ميكسور نحط الصدور المقطعة + نصف حبة بصل مقطعة+ معدنوس ونرحيهم
ومن بعد نضيفلهم بيضة + ملح + فلفل اكحل + شوية خبز مرحي
ونشكلهم صبيعات
ونعاود نمرغهم في الشابلير
ومن بعد نقليهم حتان يتحمرو ونحطهم على ورق المطبخ
نغلي الزيتون مع نصف قارصة ونصفيه مرتين
نسخن مرقة الدجاج المحضرة سابقا ونضيفولها الزيتون وصبيعات الدجاج وفي الاخير نضيفولها الفطر
ونزينوها بالمعدنوس ونعصرو عليها القارص
****
دورك نروح نوريها لماما بالاك اديرهانا هههههه
شكرا لك وسلميلي على بنتك ندى ربي يخليها
بشهي شكرا
|
ان شاء الله تجربيه ويعجبك
شكراا لك يارا
|
الله يسلمك حنان وانت ثان سلميلي على ماماك
بارك الله فيك
|
الله يسلمك حكيك
الف شكر على المرور الجميل
|
العفو ليندا نورتني