حبيت نشاركم قاطو سهل واقتصادي ولذيذ جدا والله انو يذوب في الفم مممممممم مبسس 
المقادير
500غ مرغرين طرية(بحرارة الغرفة)
150غ سكر ناعم
1 بيضة كاملة
2 مغارف كبار عسل احمر
1 كيس خميرة حلوى
كاكاو غامق
فرينة
الطريقة
نخدمو براحة اليد المرغرين والسكر جيدا نضيف على التوالي العسل+البيضة+الفرينة ونقسم العجينة الى جزئين ونلون الجزء الثاني باضافة الكاكاو ونحاول نعمل الجزء الابيض اكثر من البني(هذه المقادير نشكل بيها 4 اقراص 2 ابيض/2بني)
ثم فوق بلاستيك نحل العجينة تاعنا بسمك متوسط كل على حدى ثم نضع العجينة البنية فوق البيضاء هكذا
ثم من طرفي العجينة نبدا ندور في نفس الوقت حتان بتقابلو الجهتين
في المنتصف لما يتقابلو الجهتين نحاول نحط واحد فوق الثاني وندور بيدي مليح كي شغل راح نخدم حربوش
ندخله لثلاجة حواي 20 دقيقة
ثم نبدا نقص دوائر هكذا
نحاول نبسط الدائرة قليلا باصابع اليد ونضغط بطابع لاعطائها نفس الحجم (ممكن تختارو اي شكل)
ونطيبها على نار متوسطة …مع العلم انو سهل الطياب قصدي مايخذش وقت كثير
نلصقة كل اثنين مع بعض ونزينو الحواف بكوكاو مرحي
او يترك كما هو
اخيرا نتمنى يعجبكم الموضوع تقبلو ودي
merci
ألف شكر لك
وزيد ساهل ما يديش الوقت
يعطيك الصحة يا الفحلة
تستاهلي تقييم لانه توحشنا مواضيعك الشيقة
بارك الله فيك اختي
بارك الله فيك