جبتلكم وصفة البتي فور الراااااائع
حربوها أكيد مش رح تندموا
المقادير
1كغ فرينة
500غ زبدة لابال
500غ سكر قلاصي
10 بيض
10غ خميرة (شكارة)
30غ فاني
كاس مايزينة/نشا
طريقة التحضير
في العجانة ضربي الزبدة والسكر بسرعة 2 حتى تصبح كريمة . زيدي البيض بالواحدة حتى الانسجام بسرعة 3 زيدي كاس مايزينة و خلطي ملييييييح حوالي 10 دقائق (اجباري) من بعد زيدي الفرينة مسيرة مع الفاني والخميرة على دفعات حتي تصبح عجينة طرية (أي تجيك العجينة خفيييفة ما تخافيش لازم تكون هاكدا – لازم تكملي كمية الفرينة كامل و ماتزيديش بعدها- جربي حبة واحدة إذا تحلت أو هبطت زيدي شوية نشاء/مايزينة – لازم تخدمي السكر و الزبدة ملييييح قدما طولي قدما يجيك مليح ) هادو هوما الاسرار تاعو
اللي ما عندهاش العجانة تخدم بالباتور لكن تضاعف المدة تاع الخلط
شكلي وردات أو خطوط 6أو 7 سم بلابوش أدوي (كيس حلواني) و دخليه لفرن سخون على درجة 200° حتان يحمار
تقدري ديري نص الكمية أنا ندير غير بالنص ياكلوه في يومين
انا ندهن السنيوة بشووويية زيت نخاف يلصق انتي شوفي سنيوتك ادا تلصق ادهنيها او طيبيه على ورق الزبدة
و الي تحب تلصقو بالمعجون يجي خييير او ديرلو شوية شيكولا على الاطراف ممممممم
نتمنى نكون شرحت مليح و ان شاء الله تجربوه وتنجحو فيه
الى اللقاااء مع وصفة أخرى
سلاااام
يعطيك الصحة أختي على الوصفة 
بارك الله فيك و جزاك خيرا
|
الله يسلمك مي هادا ماشي محقن لانو عجينتو خفيفة بزاااف ماتقدريش تحكميها بيدك لازم لابوش
و فيك بارك الله شكرا