السلام عليكم ورحمة الله تعالى وبركاته
اخواتي الكريمات لمن سئمت من تقديم نفس الاطباق على نفس الشاكلة و بنفس الطريقة اليوم جبتلكم واحد الgراتان انتاع شوفلور لذيذ و بعيد على المراقي والتعب
المكونات
راس انتاع شوفلور متوسط
معدنوس
ثوم
ملح/فلفل اسود/بهار
4 بيض
للحشو
كمية من اللحم المفروم متبل وطايب زي انتاع البوراك
للتزيين
جبن مبشور
التحضير
نسلق الشوفلور بعد ما نقطعو و نغسلو مليح
من بعد نطحنوه بالشوكة فقط و نحطوه يقطر من ماه باش ما يجيش الgراتان مايه
من بعد نضيف عليه المعدنوس مقطع والملح والفلفل الاسود والثوم والبهار
وهذا هو الحشو
من بعد نضيف البيض لعجينة الشوفلور
نفرش نصفها في مول مدهون بالزيت
ثم نضع الحشو
ثم نغطي بما تبقى من عجينة الشوفلور
ثم ندخله الفرن او غير ايطيب نخرجو و نزين بالجبن المبشور
وهذا شكلو كي قطعت منو قطعة
او باش ايكون كوجبة كاملة انا فضلت اني نقدمو
مع شربة خضار
ملاحظة : انا تعمدت مانديرش المعدنوس في اللحم المفروم باش ما تجيش الطعمة انتاعو غالبة على الطبق
و لاني وضعت كمية لاباس بيها في عجينة الشوفلور
و بصحتكم حبيباتي
ورجائي انكم ما تنسونيش من صالح دعائكم
في امان الله و حفظه
لي آلشرف أن أكون أول وحدة ترد عليك خيـتو
يعطيك الصـحة وصفة هآيلة وجميلة
بالصحة والهنآ
|
والله الشرف الكل ليابارك الله فيك
والله ايسلمك
|
و بارك الله فيك
يممممممممممم خرجلك هايل
اللهيبار ك تحفتينا بوصفاتك المميزة هاد الايام اختي
|
ساندريلا والله غير رايك فرحني
بارك الله فيك
|
وبصحتك حنونة