تارت التفاح
عجينة
250غ فيرنة
125 غ سكر رطب
125 غ زبدة طرية
1 بيضة
رشة ملح
كريمة الحلواني
4 صفار بيض
100غ سكر
45 غ مايزينا نقدر نستعمل فرينة
500ملل حليب
للتزين
حبة تفاح
ناباج
تحضير العجينة
نبسس الفرينة +الملح +سكر بالمارغرين
ونجمع بحبة البيض
نغلف العجينة ونخليها ترتاح 1/2 ساعة في التلاجة
تحضيير كريمة الحلواني
نغلي الحليب
نضرب الصفار مع السكر حتى يبياض المزيخ نضيفلو المايزينا +الفاني او المنكه الي نحبوه
نفرغ الحليب فوق المزيج مع التحريك المستمر تم نرجع الكريمة الى الكسرونة تاع الحليب ونطيبوه فوق نار تكون هادئة مع الخلط المستمر باش ما تلصقش الكريمة
بعدما نحيها من النار ننقلها بسرعة الى انا ء اخرلكي نوقف الطياب تاع الكريمة ونغطيها بورق شفاف حتى ما تتشكلش الطبقة الجامدة فوق الكريمة
نحل العجينة ونحطها في المول ونتقبها بالفرشيطة
ندخلها تطيب 40 د في كةشة 200°
نجبد الكيكة من الفرن نتركها تبرد
نعمللها الكريمة
ونزينها بانصاص التفاح
ونعمللها ناباج باش ما يتاكسدش التفاح او نعمل طبقة رقيقة من معجون المشمش في حالة عدم توفر الناباج
ندخلها للتلاجة تبرد
اضافة شخصية جات بنينة
طيبت النيسلي كراميل وبعدما خرجت العجينة من الكوشة عملت طبقة النيسلي كراميل ودخلتها للكوشة طافية لكن سخونة حتى تجمد شوية الكراميل من بعد عملت الخطوات كيما ذكرتهم
وهدي قطعة من التارت بعدما بردت
جات بنينة باضافة الكراميل تاع النيسلي
نتمنى تعجبكم
تحياتي
وقيلا نديرها
مشكورة نوال حنونة
وتقدري تديري الفاكهة الي تحبيها كيما تقدري تديري خليط فواكه واش يخرج عليك
يعطيك الصحة على الرد
|
هدي اضافة شخصية من عندي يا كوكو كانت عندي علبة نيسلي وحرت واش اندير بيها طيبتها في قدرة عاديةفي الماء قيس 3/4 العلبة لمدة 2سا حتى قريب يخلاص الما
كي طابت العجينة وهي سخونة فرغت النيسلي وعاودن دخلتها الى الكوشة المطفية باش يشد روحو النيسلي كي يبرد حطيت الكريمة الحلواني وزينت
ان شاء الله مفهومة كوكو
النيسلي غير اضافة
الصح في العجينة والكريمة
|
بارك الله فيك اختي نوال على الشرح راني فهمتك اختي و اكيد النيسلي راح يزيدلها فالبنة مشكورة
باينة بنينة تسلمي