وش راكم لاباس ؟
جبتلكم اليوم سفيرية محشية بالفرماج وصويتها بصوص تاع دجاج
هاهو شكلها النهائي
نبداو الطريقة على بركة الله
مقادير السفيرية:
بطاطا (على حسب افراد العائلة)
ملح
جبن
فلفل اسود
3 بيضات
دبشة
خبز مرحي (شابلير): نحطو في الفور حتان كي ييبس ونرحوه
التحضير:
نشرشمو البطاطا (نطيبوها في الما +شوية ملح)
كي تطيب نفرموها ونخلطوها مع جبن وبيضة ونضيفولها رشة ملح وفلفل اكحل ونخلطهم مليح
بعدها نجيب شوية جبن نقطعو مستطيلات صغيرة ونحطو في البطاطا بهذا الشكل
ملاحظة: ديري شوية زيت في يديك باش ماتتلاصقش البطاطا
ودوريها يولي الشكل هكا
نشكلو كامل البطاطا هكا
ونجيب بيضتين مخفوقتين نضيفولهم شوية ملح وفلفل اكحل ودبشة مقطعة
نحطو البطاطا لي خدمناها في هاذ البيض ونمرروهم في الخبز المرحي (الشابلير)
هكذا
ونقليهم في الزيت
ونخليهم يقطرو مليح من الزيت باش يكونو واجدين للتقديم مع لاصوص لي رح نوريلكم كيفاش خدمتها بعد حين :oi-o:
صوص الدجاج المشوي:
المقادير
دجاج
ملح
فلفل اسود
كسبر
ربع فنجان خل
فنجان زيت
ليمون
دبشة
ماء باش نمرقو بيه
زيتون اخضر نقطعوه
بصلة مرحية
4 فصوص ثوم مرحيين
التحضير:
نحطو في كوكوت شوية زيت + خل + ملعقة كبيرة عصير ليمون نخلوهم يسخنو ونحطو الدجاج
نتبلوه بالفلفل والتوابل وقليل من الدبشة
كي نشوفوه تقلى مليح نضيفولو البصل والثوم
ونخليو الخليط يتقلى مليح
من جهة اخرى نحط الزيتون الأخضر يغلي شوية ومبعد نحيولو الما تاعو ونلوحوه في الخليط تاعنا
ومبعد نمرقوه ونقفلو الكوكوط
حتان نشوفوها طابت نجبدو الجاج نحطوه في الفور يتحمر
ومبعد نزيدو نحطوه في صحن ونزينوه ونقدموه
شهية طيبة
+لا تنسو الدعاء لأختنا هبة :re_gards:
|
الله يسلمك حبيبتي
نورتي :re_gards:
الله يشفي اختنا هبة يارب
شهاتني السفيرية تاعك الله يبارك يممممممممممم
جاتك هايلة
تحياتي رمالو
|
امييييين
ربي يحفظك حبيبتي شووشووو
جوزي جوزي يحاسبك حبوبتي :re_gards:
كون جات بيدي نفليكسيلك شوية سفيرية هههه 
hiny:
نورتي الموضوع يا احلى شوشو :re_gards:heer:
|
شكرا لتقييم حبيبتيييييي heer:
(وانا نحسب كاش ماحطيتي فوطو وحرت وش بيها ماخرجتش ههههههه)hay:
|
الله يسلمك حبوبتي
نورتي غاليتي ايمان heer: