مقروط لعسل بالمراحل المصورة من مطبخى 2024.

المقادير
دقيق خشين يكون مليح تاع مقروط
شوية ملح زيت عسل ماء ماء زهر
حشوة لتحبيها لوز تمر كاوكاو
التحظير


فى قصعة درت 4 كيلات دقيق او كيلة سمن حنا هنا دقيق ماشى كيما تاع جزائر وشوية ملح ونتى ديرى 3 كيلات بكيلة
نتى ديرى 3 كيلات بكيلة
وبيتوا ليلة كاملة باش يشرب مليح

وهنا عندى ماء وماء زهر مخلطين

وفى صحن اخر شمخى بلماء وماء زهر غير بشوية باش متنشفش لعجينة كامل

وتلميها بصح متعجنيش

وهادى حشوة لوز درتلها شوية سكر قرفة وشمختها بماء زهر

وتفتحيها فالوسط وتعمريها بلحشوة

وتلويها على شكل حربوش

وتقطعيها مقروطات

وتحطيهم فى سنوة وتخليهم يرتاحو

انا وجدت لعسيلة فالدار وهي كيلة سكر وكيلة ماء وشوية شب
حطى نصف كمية سكر فى طنجرة وخليها تولى كرمال بلا ما تحرقيها
وظيفى لماء وبقية سكر وشب وخليها تغلى 15 دقيقة

وقليهم فى زيت غازر وسخون وغير يسخن زيت نقصى لفرنو باش يطيبو من داخل

وهوا سخون من مقلة تحطيهم فلعسل باش يشربو لعسيلة تمتم انا نعسلهم مرتين

وهاهوا هنا واجد انشاء الله يعجبكم

يعطيك الصحة ايمان مقروض رائع الله يبارك انا نديرو في الكوشة خطراش كينقليه في زيت يتحل ومشكورة على الوصفة

اولا مبروك عليك لبنية تترب في عزكم جاك هايل المقروط انا تان ندير 4كيلات بكيلة لان السميد مشي كما تاع الدزاير يعطيك الصحة

يعطيك الصحة ايمان على المقروظ

يعطيك الصحة يا شاطرة جاك هايل

الله الله عليك
يسلملي ايدياتك

مقروط هايل يعطيك الصحة

هايل ايمان بارك الله فيكي على الطريقة