السلام عليكم
الامهات الخبيرات ..ممكن تساعدوني
الامهات الخبيرات ..ممكن تساعدوني
ابني عمره 4 اشهر و بضعة ايام ………ماذا يمكن ان اعطيه كوجبات
هل هذا هو السن المناسب لاطعام الطفل
شكرا
السلام عليكم
هدا سؤال مهم معظم الامهات الجدد يبحثن له عن جواب
انا وليدي كي كان في عمرو
4 اشهر كنت نعطيلو التسويست و ياوورت جاغفي هداك الصغير
وكنت تاني نعطيلو الفرينة نشريلو كل مرة نوع كاين فرينة تاع ربع اشهر اسمها فيغور بصح قالو بلي منتج اسرائيلي مشريتولوش مالا وكلتو بيوميل و فرينة نسلي و كنت كل مرة ندلو نوع مرة تاع الارز و مرة تاع الخضر و مرة تاع العسل
و من بعد 5 اشهر دخلتلو الروز المطحون تاع المهلبية شريتولو و نغليهلو بشوية ملح و زيت وتاني ندلو المرمز الرقييييييييقة نطبخها مليح مليح و في 6 اشهر وليت نطيبلو الخضرة كنت ندير كسرونة ماء و ندلها شوية زيت و رشة ملح و شوية من لحم الدجاج الابيض(السردة) و الخضر و كي يطيبو مليح نرحيهم بالميكسور و في 7 اشهر وليت نطيبلو شربة فارميسال بالحليب و كي تطيب ندير عليها حبة بيض تاع عرب و واصلتلو هكدا حتة لحق للعام وليت نوكلو الكسكس بصح الكسكس نطحن الخضرة تاع المرقة و نزيدلو زوج مغارف كسكس
وتاني بعد العام وليت نوكلو كامل الاطعمة بلبا ما ننسى التمر تاني مفيد حتى لو كان في ربع اشهر تقدري تلحسيهلو
بصح يا اختي عليكي بالنظام
انا ضروك راه في عام و نص ندلو الصباح بيبرون حليب و على 10 نعطيلو قاطو سبيسيال تاع ولاد و على 12 نفطرو و لعشية نعطيلو قاطو بالحليب ولا بيبرون حليب وحدها و في العشا نوكلو حاجة خفيفة و فاكهة او سلاد فروي فيها غير حبة بنان و ياوورت و عصير طبيعي و كي يحب يرقد ندلو بيبرون حليب باش يرقد مليح
نتمنى نكون فدتك مليح
هدا سؤال مهم معظم الامهات الجدد يبحثن له عن جواب
انا وليدي كي كان في عمرو
4 اشهر كنت نعطيلو التسويست و ياوورت جاغفي هداك الصغير
وكنت تاني نعطيلو الفرينة نشريلو كل مرة نوع كاين فرينة تاع ربع اشهر اسمها فيغور بصح قالو بلي منتج اسرائيلي مشريتولوش مالا وكلتو بيوميل و فرينة نسلي و كنت كل مرة ندلو نوع مرة تاع الارز و مرة تاع الخضر و مرة تاع العسل
و من بعد 5 اشهر دخلتلو الروز المطحون تاع المهلبية شريتولو و نغليهلو بشوية ملح و زيت وتاني ندلو المرمز الرقييييييييقة نطبخها مليح مليح و في 6 اشهر وليت نطيبلو الخضرة كنت ندير كسرونة ماء و ندلها شوية زيت و رشة ملح و شوية من لحم الدجاج الابيض(السردة) و الخضر و كي يطيبو مليح نرحيهم بالميكسور و في 7 اشهر وليت نطيبلو شربة فارميسال بالحليب و كي تطيب ندير عليها حبة بيض تاع عرب و واصلتلو هكدا حتة لحق للعام وليت نوكلو الكسكس بصح الكسكس نطحن الخضرة تاع المرقة و نزيدلو زوج مغارف كسكس
وتاني بعد العام وليت نوكلو كامل الاطعمة بلبا ما ننسى التمر تاني مفيد حتى لو كان في ربع اشهر تقدري تلحسيهلو
بصح يا اختي عليكي بالنظام
انا ضروك راه في عام و نص ندلو الصباح بيبرون حليب و على 10 نعطيلو قاطو سبيسيال تاع ولاد و على 12 نفطرو و لعشية نعطيلو قاطو بالحليب ولا بيبرون حليب وحدها و في العشا نوكلو حاجة خفيفة و فاكهة او سلاد فروي فيها غير حبة بنان و ياوورت و عصير طبيعي و كي يحب يرقد ندلو بيبرون حليب باش يرقد مليح
نتمنى نكون فدتك مليح
شكرا على الموضوع
بالنسبة لي ابنتي كنت نعطيلها دي سوب نتاع الخضرا ولي هي الجزر والروز و الكابويا الحمرا نطحنهو ومنديرش الملح نعوضو بالفرماج وخدي الوجبة كنت نعطيهلها مره في اليوم باغسكو 4 اشهر صغيرة والاوقات لوخرين كنت نعطيها الياغورت علاء الدين للصغار جارفي للصغار والفرماج تالمو مالح نحلوهولها في الحليب
الوجبة التانية كانت الارز مطحون مع الفرماج
الجزر عصير
نصيحة البطاطا والموز والملح و الخيار والقرعة متعطيهلوش باغسكو واعرين عليه
عوضي الملح بالفرماج
الحوت كدالك مليح واللحم الاخر مادا بيك حتى يقفل عام باغسكو واعر في الهضم ويجيه صعيب
بداي غير بالخضرا
4-5 اشهر وجبة حتى لزوج وجبات 6 اشهر فما فوق ياكل نورمال اي كي يجوع ونتمنى يكبر في عزك
بالنسبة لي ابنتي كنت نعطيلها دي سوب نتاع الخضرا ولي هي الجزر والروز و الكابويا الحمرا نطحنهو ومنديرش الملح نعوضو بالفرماج وخدي الوجبة كنت نعطيهلها مره في اليوم باغسكو 4 اشهر صغيرة والاوقات لوخرين كنت نعطيها الياغورت علاء الدين للصغار جارفي للصغار والفرماج تالمو مالح نحلوهولها في الحليب
الوجبة التانية كانت الارز مطحون مع الفرماج
الجزر عصير
نصيحة البطاطا والموز والملح و الخيار والقرعة متعطيهلوش باغسكو واعرين عليه
عوضي الملح بالفرماج
الحوت كدالك مليح واللحم الاخر مادا بيك حتى يقفل عام باغسكو واعر في الهضم ويجيه صعيب
بداي غير بالخضرا
4-5 اشهر وجبة حتى لزوج وجبات 6 اشهر فما فوق ياكل نورمال اي كي يجوع ونتمنى يكبر في عزك
Mazalo sgheir matekalkich 3lih hta 5 ch´hor w noss wila 6 ach´hor Bdaylo bi lkhodar mathouna dok nhawaslek 3la Ktab fih kamel wajabat