انا اديت الباك شعبة علوم تجريبية و المعدل 12.92 و ديت 15 فالفرنسي حابة ندخل للمدرسة العليا للاساتذة في قسنطينة استاذة لغة فرنسية ثانوية و عندي شوية تاع اسئلة حابتكم تجاوبوني :
1-ماهى عدد سنوات الدراسة
2-حول مادا تدور اسئلة الاختبار الشفوي
3-هل الدراسة سهلة ام صعبة
4-هل الدراسة فيها مثل باقي الجامعات من حيث الامتحانات
ارجو الرد بسرعة وشكرا
نحوس استاذة لغة انجليزية
أنا تان من شعبة علوم تجريبية
جيت البك ب 12.27
و راني حابة ندخل للمدرسة العليا اما فرنسية او انجليزية
ديت فالفرنسية 13
و فالانجليزية 15.5
مي راني خايفة ما يقبلونيش
باسكو دروا للغات
اذا عندكم أي معلومات أفيدوني
و جزاكم الله خيرا
ماتخافوش خاوتي وخواتاتي
انا نقرا فرنسي السنة الرابعة في ENS DE Bouzaréah
انا تاني كنت علوم تجريبية وديت 14 في الباك و قبلوني الحمد لله
جوزنا الامتحان الشفهي قبل مايقبلونا
مي دوك الحالة راهي شوية مزيرة ( مانعرف بالاك غير عندنل في بوزريعة )
شوفوا دوك نجاوب على الاسئلة تاوعكم بالواحد
|
اولا مبروك عليك الباك
بالنسبة للاسئلة تاعك
اولا عدد السنوات اللي تقرايها باش تولي استاذ ة في الثانوية هي خمس سنين
استاذ في المتوسطة اربع سنوات
استاذ في الابتدائية ثلاث سنوات
ثانيا بالنسبة لاختبار القبول كاين اربع مراحل
الاولى كي تدخلي تلقاي مجموعة من الاوراق المقلوبة في الطاولة
نتي لازم تخيري واحد من هادوك النصوص وتروحي تقرايه وحدك
ممبعد يعيطولك 
-تديري présentation على روحك (اسمك عمرك معدل الباك معدل المادة الخ )
-تقرايلهم النص LECTURE DU TEXTE
-résumé du texte لازم تشرحيلهم بصورة مختصرة واش فهمتي من النص
-production écrite
وممبعد هوما يقولوك اذا قبلوك ولا لالا
واخيرا باش مانكدبش عليك القرايا في المدارس العليا خير من الجامعات
مي لازم تتحزمي مليح حنونة خاصة فرونسي
puisque tu seras enseignante et tu es obligée de maitriser la langue française bien comme il faut
je te dirai pas qu’elle est difficile mais elle n’est pas facile
lazem tkassri rtassak
mais c bien je te conseille de continuer
wrabi m3ak
|
balak ya9ablok puisk les moyennes habto wmana3raf
bon courage