السلام عليكم و رحمة الله و بركاته
على بركة الله نبدأ
المقاديـــــر :
60غ بياض بيض – 60سكر عادي -60سكر أرطب – ملح
شكولاطة.
الطريقــــة :
قبل كلشي نسخن الفرن على حرارة 100° .. نفرش البلاطو بورق زبدة
نضرب بياض البيض مع الملح ثم نضيف السكر العادي على دفعات كأننا نرش مع الاستمرار في الضرب
لما تتماسك نضيف دفعة واحدة السكر الارطب و نمزجو مع الكريمة بليونة تامة و حذر (كما نضيفو بياض البيض للمسكوتشو)
نذوب الشكولاطة و ننقطها على ورق الزبدة بشكل متباعد
و نشكل عليها المورانغ بـ la poche à douille على ذوقنا
ندخلهم للفرن على حراة ضعيفة تقريبا 100° مدة الطهي ساعتين أو أقل بقليل على حسب حجم المورانغ و حرارة كل فور
هنا يظهر نجاح المورانغ في الاحجار
أنا جاتني الاحجار متوسطة لانو زر الفور عندي فاسد ميمكنيش نضبط الحرارة ضعيفة على أقصى حد
و بالصحــــة و الهنــــاء
ملاحظات الشاف
-افضل المقادير الناجحة للمورانغ السكر ضعف بياض البيض
– وجود قليل من الصفار ميخليش المورانغ تطلع
– المورانغ حساسة(شوووف) نفس بياض البيض لكن ممكن تجي بطريقتين
– المغزى من الملح مشي يطلع المورانغ ..تطلع بلا بيه إنما لكسر الحلاوة الحادة
– الميرانغ لما تتخبى في علبة حديد أو نيلون يصبح قلبها لين ( صح شاف 
– إضافة السكر الارطب في الاخير يجعل المورانغ براقة
– وضع ملعقة على فم باب الفور لاخراج الرطوبة و البخار كون المورانغ مليئة بالماء
– الفائدة من طهي ها مدة طويلة باش المورانغ تطلق عصارة السكر و تخرج أحجار بلون كرمال ذهبية.
و فيك البركة أم كوتر ..شكرا على المرور الطيب
جزاك الله كل خير
100 غ بياض بيض قداه تجي من بياض بيضة بالتقريب // سؤال تاع السامطين هههههه
لميرانغ لما تتخبى في علبة حديد أو نيلون يصبح قلبها لين ( صح شاف
انا بلا مانخبيه يطرى ههه مالقيتلوش حل .. هات ينجح برك ونخبيه في كرشي مكان حتى مشكل ههههههههههه
4 بياض بيض نظن جاوني 65غ مشفيتش
نت ديري غير 2 يجو كمية لا باس بها
مشي بالمقصود طريين لداخل و نت تاكلي فيهم تتذوقي شبه عسل جامد
و أهلا بك في أي سؤال
يعطيك الصحة على الوصفة
كاش نهار نجربها
المورانغ راهي تهبل و تشهي هل يمكن لي اخد واحدة
يعطيييك الصحة يا حلوة
ان شاء الله نجربها في اقرب وقت بعد مانجوز الظروف ديالي