سلامو بنات المطبخ اللماوي
نهاركم طيب ان شالله
كنا حكينا انا وبعض الاخوات عن معجون التمر او ما يعرف بالرُب
ووعدتهم انني نوافيهم ببعض الصور التفصيلية باه يفهمو طريقة صنعه
والان جيت بيها لكن الطبق النهائي ليس مكتمل لكن لا علينا المهم الخطوات
المهم طريقة التحضير:
نجيبو التمر اليابس كيما نسميوه احنا القرباعي
يشبه لهذا نتمنى انكم تكونو عرفتوه
نحطوه في قدر او كوكوطة
نغسلوه المرة الاولى مليح
ونفرغو الماء
ونعاودو نعمرو عليه الماء
يعني نغموه بالماء
ونخليوه يغلي مدة تقريبا ساعة او ساعة ونصف حتان نشوفو حبة التمر انتفخت عليها الجلدة واصبحت تقريبا احمر يميل للبني والماء نقص
هنا نصفيوه في كسكاس
ونضغطو عليها من فوق باه تهبطلنا العصارة نتاع التمر
بعد ذلك نرجعوه للنار
ونخليوه الكسكاس من فوق يزيد يتفور ويعقد الخليط اللي في الاسفل
بعد ما يعقد يولي هكذا
يميل بني داكن للاسود تقريبا
وهذي صورته عن قرب
هنا الكمية نتاع الرب المستخلصة
نجيبو الزبدة الحرة
نحطوها في اناء ونخليوها تذوب
ننقصو عليها النار
بعد ما تذوب نلاحصو انه رح يصعد القليل من الماء فوق الزبدة
ننزعوه من عليها
ونخلطو كيلة مستخلص الرب مع كيلة منا لزبدة
نخلطوهم مع بعضهم مليح
ونقدموهم مع مطلوع سخون ولا مع لي كراب للاولاد
للعلم هاذا احنا عندنا يقدموه للمراة النافس اللي ولدت جديد مع الكسكس وطعهم يجي تحفة
ونقدموه تاني مع الشخشوخة ممكن تستغربو كيفاه هذا حلو والشخشوخة حارة ومالحة
لكن بنته هايلة
المهم نتمنى انني نكون وفقت في الشرح
وهذا الموضوع اهدار لحبيباتي اللي طلبوني فيه:wink::wink:
اكون مخلط دجى بالزبدة :o_o:
عيسى يمرض من صدرو بزاف :cra_zy:
بسم الله رحمان الرحيم
ربي اخليلك صحيحتك يالحنينة
ربي احققلك كل ما تتمناي
ابداي بثلاثة اماني
heer:ولخرين خليهم للمستقبل
hiny:هدا النوع تاع التمر عندنا هنا يتباع نجربو انشاء الله نستنى في تناعك او مبطلتش عليك
hay:ماخليتي قراتان ماخليتي اطباق عصرية او تقليدية
طريقة الشرح واضحة وباين بلي يجي بنين
يعطيك الصحة عفوف
حنا النوع هذا من التمر نسموه مش دقلة
وبالنسبة للشخشوخة الحلوة حنا ثاني في بسكرة كاينة شخشوخة نطيبوها في الاعراس ونزيدولها الزبيب وتجي حلوة وهايلة
خسارة ماعنديش هذا النوع من التمر عندي غير دقلة نور
اول مرة نسمع بيه معجون الرُب
بارك الله فيك
heer: و الله ماعرفتك
و الله راكي مرا تاع دار و نيالو الراجل اللي راح يديك فحلة
|
شوفي والله عملتي كيما اختي نتاع فرنسا كي تشوف حاجة هكذا والله تعمل كيفك
عري قرعة نتاع لترا وابعثي ههههههه
والله يا ابتسام ربي راه عالم حاجة ماهي خسارة فيك
اصبري نهار اللي تروحي لبسكرة وكيفاه ندلعك
اممممم درك لحقنا للاماني شوفي هاذو هوما 1-……. 2-………3-……….
كي نروحو للسكيب راني نقولهملك هههههه
ربيي حفظلك وليدك عيسى من كل مكروه ويستره ويستر على البنات ويهنيهم في حياتهم
|
الله يسلمك
والله حتى ااحنا اختي كل ما يجي وقت التمر نعملوه
ربي يخليك على المرور الطيب
|
احم احم احم واش هذا واش هذا
هذا كامل انا وما علاباليش
احنا تاني ما نسموهش دقلة
نسموه قرباعي يعني كي عاد يابس يقربع في بعضاه howoff:
ما تخمميش حنونة والله نبعثلك كوليي منو في البوسطة
ما عنديش منك 10hay:
|
نتمنى انك تجربيه اختي حنان ويعجبك مشكورة للمرور الطيب
|
الله يسلمك اختي شريفة
والله هذا يليقلك انتي كون جيتي قريبة راني نبعثلك قرعة نتاع لترا
يااااه سمعتني ابتسام بسومة انتي تاني
ربي يخليكم حبوباتي
|
مشكورة اختي عفوفة على المرور الطيب
ربي يبارك فيك ان شالله
نتمنى انه عجبك كي جربيته
|
hay:hay:
ههههههههههه علاه هذا ما عرفتينيش تبدلتلك ول
ههههههه
الله يسلمك اختي وفاء مشكورة على المرور اختي الغالية