الشك حالة انفعالية يشعر بيها الشخص في حالة توتر من نفسه او خذلان من المحيطين به او نتيجة خوف وحب تملك وهو احساس صعب شوي لواحد يتخلص منوا يحب ارادة قوية وتغيير في الذات
بون فالموقف ادآ نحاول اني نقيس كل الجوانب ونقدم النصائح المفيدة بيان سير بعد تجربة كبيرة مررت بيها شكوا فيا منيش انا لي شكيت غير الشك وعدم الثقة خاطيني 
موقف صعيب بزااف شحاال نكرهوا 
الور نبدآآ :
|
محقة وفي نفس الوقت غآلطة ،
باآسكو من حقهآ انهآ تغير على رآجلهآ وتحوس تعرف عليه صوآلح بزآآف، الوقت صعيب ومن حقهآ تخآف عليه وتبع تصرفآتوا وليرولاصيون تآعوا برآ ، الوقت يخوف وبنآت لحرآم بزآآف لي متبعتش راجلها وحافظت عليه بيا راح يضيعلهآ وهي تشوف فيه
اومآم تون ملزمش تكترت وتشك فيه للدرجة ادي كآآمل بآسك رايحة تخرب بيتها بيديهآ ، مآم تكون تحبوا و تغير عليه وتخاف عليه مي متخليش قلبها يخدعها ويخرب علاها كلش لازم تكون انتيليجون وتعرف زيماه تستغل غيرتها وحبها وخوفها عليه… ملآحة لوحدة كي تكون شآطرة وتبغي تعرف كلش على راجلها مي لازم تكون في نفس الوقت ذكية وتخممامها يكون بعيد متتسرعش وتكون واعية وش راها ادير ،، باسكو لوحدة كي تكون باردة قلب ومتحوسش تفهم مش ملآحة ، لازم ادير كونفيونص في راجلها مي في حدود ، كآين رجال اديري فيهم كونفيونص تاعك كامل ومع الخر يتبدلوا ويخرجوا بخرجات يشوكيو وتكون لمرا هي لخاسرة
|
مممم بزااف اسباب تخلي الزوجة تشك او العكس :
وهي ،
-اول شي عدم الثقة في النفس وبالتالي متقدرش تثيق في الآخرين
– بالاك تحبوا بزااف لانوا كاين حب وغيرة توصل للشك مش يعني تقصد مديرش كونفيونص في راجلها مي تالموا تخاف عليه بزااف تولي تبغي تعرف كلش عليه وتصرفاتها يبانواوكانها مش دايرة فيه كونفيونص خلآآه …
-عدم الاحساس بالامان النفسي الدآخلي ا يمكن تكون تعرضت لمشاكل في الطفولة تاعها ولا مواقف على سبيل المثال يمكن باباها من قبل مكانش يعامل ماماها مليح وبالاك وصلوا لطلاق وشافت امور بزااف في حياتهم خلاها ديما تتفكر داك الموقف وخلاها مديرش كونفيونص في راجلهآ 
-وبالاك مرت بتجارب قاشلة من قبل حطمتلها قلبها
يمكن راجلها ميصارحاش في امور وكدب علاها وكشفتهم ولات تشك فيه
سبب آخر بالاك راجلها من النوع لي ميحكيش بزااف طول لوقت يسكت وميشتيش يحكي على خصوصياتوا وعلاقاتوا فالعمل وبرا و و و يخبيهم فقلبوا بالتالي زوجتوا تحسوا راه يكدب علاها ويخبي علاها وميحبهآآش ولا يكون من النوع لي معندوش قدرات في المراة ويظن انوا كامل النساء كيف كيف ميكتموش الاسرار ومعندهمش قدرات يساعدوهم بالتالي تكون علاقتوا معاها سطحية
و و و بزااف امور واسباب راني اختصرت
|
حاولي ان تهتمي وتفكري بعائلتك وان تحافظي عليها لتكون مستفرة
حاولي تكسبي زوجك عنطريق معرفة احتياجاته الغاطفية وانظري الى جوانبه الايجابية مش تشوفي غير للجانب السلبي تاعوا ، ولازم عليك تدعميع وتوقفي معاه في كل الامور مآم ميكونش معاك كيما تحبي انت لازم تصبري معاه وتحاولي تغيريه وتكسبيه يكون مليح معااك
لازم عليك تحكي معاه وتصاريح بكل مشاعرك نحو يعني ادا غرتي عليه ومحبيتيه يحكي مع شي زميلة في العمل تاعوا ولا شفتيه دار تصرف معجبكش متخبيهش في قلبك وتبداي اطلعي في حسابات يوسوسوك لازم تحكيلوا بوش تحسي قوليلوا منكدبش عليك راني حسبت كيمك اديك لاشوز مغجبتنيش فهمني فاها و و مي لازم تكوني متحملة اي ردت فعل تاعوا واي هدرة قالهالك متتسرعيش وتشعلي فيه ههههـ
واهم شي لازم ابينيلوا بلي راكي تحبيه وراكي تصدقيه في اي كلمة قالهالك مام توسوستي منها متبينيلوش وحاولي تزيدي تعرفي اكتر علاها بش تفهمي مليح ومتتوسوسيش باسكو ادا بينتيلوا بلي متصدفيهش هو بعد يكره وميحاولش يشرحلك اكتر …
وابتاعدي على نضرية انوا الرجال كامل كيف كيف وخداعين و وو متسمعيش هدرات صحيباتك والناس بزااف ادا وحدة حكاتلك موقف يشبه لموقف راجلك متحاوليش تقارني راجلك بالناس لانوا كل واحد وتفكيروا يمكن تشابه فالتصرفات مي الفكرة مش شرط تكون نفسها …
|
اممم اول شي لازم تكون تفهم زوجتك ومش اي تصرف منها تفهموا بالغالط
لازم تكون صبور معاها لانوا المرا ديما تكون حساسة وضغيفة واي تصرف غالط تدخلها في عالم الاوهام والشك
لازم تكون واعي لتصرفاتك معاها ومتخليهاش بتصرفاتك تولي تشك فيك ،
حاول تصارحها في كلش ومتكونش من النوع لي يسكت بزااف وميناقش
متكونش من النوع لي يعتاقد انو الصمت هو الحل الامثل للابتعاد عن الحوار والتهرب من الحقيقة
والنقاشات والمشاكل الزائدة ..
واهم شي لازم تكون عندك قدرات فيزوجتك وتحكيلها عن مشاكلك ومشاعرك مش تخبي في قلبك وتكون خايف من انتقادات زوجتك وتخاف توريلها نقاط ضغقك ، لانوا لها الحق ان تعرف عن مشاعرك وتقدر تعاونك في امور بزااف …
متغتاقدش ديما انوا زوجتك راح تفهمك بلا متحكيلها وتصارحها لانوا الفهم يجي بعد الحوار والنقاش والمصارحة مش تبقى وحدها تقرا افكارك يمكن تصرف صغير تفهموا بالغلط ….
|
حاولوا تفهموا بعضاكم وتتخصوا وقت مناسب تصارحوا بعضاكم فيه وتتحاوروا وتحلوا مشاكلكم بهدوء ،
ابتاعدوا عن الاوهام والتكهنات والاتهامات الزائفة لبعضاكم ،
مشاكل الناس خلوها للناس مش اي مشكل صرا برا تحاولا اطبقوه على رواحكم لانوا كل شخص عندوا فكرة ونظرية مختلفة عن الآ×ر ..
اهم شي تكون المصارحة بمعنى النصيحة والتعبير الصادق مش تصارحوا بمشاعركم على اساس توبخوا بعضاكم وتجرحوا بعضاكم بكلام زائد ..
ومام غلطتوا مع بعضاكم من قبل عادي مش حاجة انورمال حاولوا تنساوا مشاكل تاع الماضي لانوا كل واحد يغلط مش ملاك يكفي تكونوا مخلصين لبعضاكم في الوقت الحآضر وتقوتوا كل غلطات صرات من قبل لانوا الانسان يتوب مش يبقى على نفس الحال ونبقاو نلموه طول حياتوا اي واحد يحتاج لفرصة للتغيير للافضل ..
تاني ملزمش واحد يكون اناني ويحب يعرف كل صغيرة وكبيرة وكل السلوكات ومعرفة الماضي تاعوا و وو لانوا كاين امور يقدروا كينصارحوا بيهم يدخلوا الشك اوتوماتيكموا
حاولوا تعيدوا اللحظات لملاحة لي عشتوها مع بعضاكم كي يكون بيناتكم مشاكل لانوا كي تتفكروا لحظات ملاحة راح تعرفوا بلي راكم اتعيشوا في وقت ياثر عليكم بالسلب وميجيب حتى نتيجة وفائدة ليكم واكيد راح تحاولوا تردعوا كيما كنتوا من قبل لازم ديما تحكيوا على الايجابيات تاعكم مش فير تحكوا على السلبيات .
وابتاعدوا قدر الامكان عن الكذب وعدم التفكير في الكذب بحجة الكذبة البيضاء يعني ديفوا لواحد يكذب بش يبتاعد عن المشاكل ومبغرفش بلي راه يزيد فلمشاكل والتعقيد اكتر عندك شوز احكيها مي اعرف زيماه تحكي عليها ومتتشرعش المهم متكدب وتبدلها بش تتهرب من النتيجة تاعها باسكوا راح تزيد النار لهيب اكتر ..
ادو هوما نصائح تاعي وادي هي ارائي نتمنى اني فدتكم
في امآن الله ~
مشاركتك دائما فى القمة بافكارك الحلوة النيرة
يسلموا على النصائح القيمة
بالتوفيق ان شاء الله
نموت على لهجتك
|
فريمون حشمتيني بكلآمك الله يخليك حبوبتي ،
فرحت بزآىف بردك الرآئــع الله لايحرمني منك ياعسولة ~
تحيآآتي ليك
وبالتوفيق ليك مآم انت حبيبتي ،
~
بارك الله فيكي اختي
بالتوفييييييييييق
|
ان شاء الله تعيشي حنونة ،
مرسي ~
|
ان شآء الله مرسي زينونتي ،