حدة وعائلتها 
هيا نبدلو كوزينة جديدة ونرحلو في الليل باه ما يحسدوناش
رتبو ماعنكم حطو مايداتكم فرغو ثلاجاتكم وغدوانهار جديد وطبخات جدد مع فحلات وشاطرات اللمة 
صحا عشاكم لبنات
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 653×490.
بعدو بعدو راني جيت يااااااااسعدي يا فرحي طليت لقيتهم في الصفحة99 واااااااااااااااااشي هذا تحوسو تسكرو الكوزينة بلا بيا بصح والله ما طارتلكم هاه هاكم الشخاشيخ عشايا نتاع اليوم سخفت عليها درتها بلا مناسبة هههههههه
و يعطيكم الصحة على طياباتكم كااااااااااااامل و الله غير راكم في القمة
عجبتني نرحلو في الليل باه ما يحسدوناش هيهيهي
صحّا عشاواتكم أكلّ
بلا ما نسمّي كلكم حباباتي و تتحبّو و تدخلو للقلب
لي عندها فرح ربّي يهنّيها و لي مريضة ربّي يشفيها و لي عندهم ضياف ربّي معاها و و و
كلشي مبروك هذي صورة من الارشيف نتاعي حلاوة الكوزينة الجديدة
لونا في الليل خير باه ما يشوفوش لماعن تاعنا اذا جدد ولا قدم ههههه
عفاف الجزائرية اول مرة نخرج في لافوتو لي حكمتيها 
روعة ربي يعينك كن جبتي وحدة من خواتات تعاونك تتعبي بزاف سيرتو مع البيبي ربي يحفظك ليهم
شهرورة نورتي ياقمر لعقوبة لميمي توحشت نشوفها
ام ريهام قالب الكيك كانو عندي وريتهم قلت نشري اخرين جدد جاري الاطلاع على الوصفة نتاعك يعطيك الصحة على التعقيب
سلاماتي للبقية راني مزهمرة اعذروني