الصفحات في البيت الاخر كثرو( الله يبارك) قررت بعد اذنكم نفتحلكم بيت جديدفمرحبا بيكم في بيتكم
ولكن حبييت نهز معايا هدا
اليوم خدمت المسمن المعسل وصورتلكم الخطوات بالشرح المفصل كما طلبو مني العزيزات على قلبي
أولا نعجن عجينة المسمن مليح ونعملها كويرات صغاار ونخليها ترتاح
بعدها نحل كويرة صغيرة ونخليها اطيب عادي
بعد ما طيب نكونو حلينا كويرة أخرى مليح فوق الرخامة ولما اطيب المسمنة نحطوها فوق العجينة كما في الصورة
وامبعد نطبق على المسمنة العجينة هاديك كما في الصورة
ونرجعها اطيب في طاجين المسمن
ونكرر العملية عدة مرات
في هذ الصورة كانت تقريبا 7خبزات في بعضاهم هذا العرض نتاعها
نطبق عليها العجينة ونرجعها اطيب
وهنا قريبا أنا اكتفيت بالعرض لهذ الحد
كانت تقريبا 11خبزة مسمن
تقدرو تزيدو العرض نتاعها مش شرط 11وحدة
هنا راني درت آخر وحدة اطيب
وبعدها ماتنساوش طيبوها في الحواشي
وقفو المسمنة الكبيرة في طاجين المسمن في الحواشي باش اطيب
ماتخلوهاش عجينة راني طيبتها هنا
وبعدها تقطعوها مثلثات صغار ولا كبار كما حبيتو
هادوم مش معسلين للي يحبوهم بلا عسل
وهادي معسلة فوقها شوي جوز مكسر
وهذا زوووم كما تقولام ندوش
يعطيك الصحة روز هايل
إن شآءالله الدوآآآم
لبنآآت صحآ عشآكم واش طيبتوا
حصلت ليااا
اها المسمن كا يعيط روحو والله
وبقا فيا يا اختي
ولااااا صوب بالكرنب
وسلاد دو فروي
يممممممممممم هاتيلي غير هاذي
يعطيك الصحة واش طيبتي كلشي هايل
الي ماشافوه هههههههه
|
ايوا اهو ليك يا اختي
مرحباا
مع السخانة اللي عندكم
هيهيه انا عندي البرد اسكتي برك شوفي
احنا الشتاااا عاملا حالة
ما شاء الله كلش بالطبع و الشان ربي يباركلكم في عموركم لبنات الكل
كوثر الوهرانية خيتو اسمحيلي اسمحيلي قيس منا لعندكم اذا طوّلت عليك ما تلوميش انا اختك
شوفي البسبوسة و لا اسهل و عادي جدا:
كاس حليب+ كاس سكر عادي+ كاس زيت+ 1 و 1/2 خميرة فورية+ 1 فاني+ 3 بيض
لا نفصل صفار على بياض و لا ندير الهم لروحي نخلط نخلط بيدي مليح و نضيف السميد الاحرش(نقولولو الحرشة حنا في جيهتنا) حتى تثقال موش بزاف و تفرغي في المول تطيب و من بعد تتسقى بالعسل (هذا عسل نتاع برا ميهتو بالماء و ماء الورد الحر المخير نتاع ماء الورد لي يكون في قسنطينة راهو 1 لتر ب70 الف)
و محاجب الطاجين هذوك يا لالا راهو عجينة الشخشوخة (السميد لرطب حنا نقولولو الدقاق + ملح و ماء) يتعجنو، ترتح لعجينة، تلوزيها ، تحليها و تطيبي و بين الطبقات ديري حشوة المحجوبة
هذا ما كان
لبنات الكل تصبحو بخير يا وجوه الخير
بصحتكم لبنات الله يقوي خيركم
روز الله يعطيك الصحة على المدلوك ربي يجازيك بالخير كيما فرحتي لبنات و انتي مريضة و لبيتي طلب الاخوات
تسنيم الهناء الف شكر ليك اختي على الوصفتين بارك الله فيك
العشاء اليوم حريرة و سخنت شكشوكة و بردت قلبي بالدلاع بااااااااارد ايه و عجنت خبز الفرينة ميمي
اليوم ضليت عند جارتي خدمتلها المقرود دوقتها البارح من عندي عجبهم بزاف و راجلها قاللها قولي لجارتك تخدملنا ايا م القايلة و انا نرون حتى قريب المغرب