لصحاب البيام كيفاه جوزتوه ادخلو تشوف التمرميدا نتاعي 2024.

السلام عليكم
hOLA AMIGOS heer:
فاتو ليامات نتاع البيام و الحمد الله بصح يبقاو في راسي حتى نموت
لاني سوفريت بزاف
كل واحد يقولنا كيفاه جوز البيام هاد العام واذا انت في التانوية ومازالك شافي على روحك احكيلنا

بالنسبة لي يوم السبت / راجعت المدنية والاسلامية مع الصباح
و العشية بقيت غير مع العربية والفيزياء ، تخلعت شوية بصح نورمال

يوم الاحد / ندت بكري راجعت مليح ،وناض بابا داني بالطوموبيل لليسي ،لقيت روحي في الحجرة الاخيرة 22 ، طحت مع 5 بنات والباقي كامل ولاد
العربية ساهلة مالقري دارتلي الخلعة منها (حابسة في العربي)
قلقني وحد الطفل(1) ورايا كل زوج دقايق يعيطلي نعتيلي هاديك نعتيلي هاديك :busted_red:
(نعتلو شوية ) :cra_zy:
زعما قالونا نديرولكم الغدا سع مادارولناش قعدت بالشر حتى 5 جا بابا داني
وصبت علينا النو وسردولي الكرارس هههههه chmoll:

المهم
يوم الاثنين / كي لعادة نضت راجعت الرياضيات والانجليزية وداني بابا
وهاداك الطفل (1) مازال يقلق فيا كل دقيقة يعيط ،وبدلتنا الشيخة البلابص كانو 3 صفوف دارتهم 4
وواحد اخر حط عينو عليا ماخلانيش نركز خلاص hay:
ونسيت لكان كتبت رقم التسجيل ؟؟؟ مت بالخلعة ورحت سقسيت الامانة قالولي درك نتأكدو

ومبعد خرجنا كامل ،روحوا الغاشي كامل (تلاميد واساتدة ) قعدت غير انا نستنا في بابا وماما يجيو طولو بزاف يخي تعرفو الترافيك نتاعنا
لقيت وحد لولاد صغار وبنات (نموت عليهم :ans_flw:وهوما يموتو عليا) جاو يلعبو البالون لعبت معاهم ولاو دارو بيا ويديرولي في الالغاز ويسقسيو فيا (اكي مخلوعة ؟؟ ، قداه جبتي المعدل في المتوسط ؟ واش خدمتي ؟….)
ومبعد وصلو رحت معاهم وعدت اصداقائي الصغار

يوم الثلاثاء / راجعت مليح فرنسية howoff:
و رحت مع بابا لقينا وحد جارتنا تستنا ديناها معانا للخروب ،
كي دخلت لليسي جاني هاداك الطفل(2) :luve_1: هدر شوية معايا ومبعد قالي نبدلو الطابلة نتاعي بتاعك
قتلو علاه ؟ :um_sh: قالي باه نعت لصاحبي انا نعرف في الفرونسي ، انا ماعلاباليش لكان مرتبين بالارقام قتلو نورمال

كي دخلت قالي ما تقوليش بلي انا لي بدلت
مالا كي بدات تحسب الشيخة قالت وين راهي (….. عليا )
قريب درتلي مشكل ،انا خفت خلاص وبقيت غير ساكتة
المهم ومبعد درنا علوم وخرجنا .
وتهنينا

والحمد الله ربي ينجنا كامل بمعدلات ملاح

نهدر بزاف صح ؟هههههههههه

اسفة على الاطالة

شكرا لكم

مم نسيت بروقرام نتع بيوم بصح نعقل بلي طاحو فينا واحد شيوخة لي عسوا له لا يشوفك سم مكاش

شكرا لكم للمرور
ان شاء الله ننجحو كامل ونفرحو