على بالي طولت بصح ظروف الله غالب بصح راني جيت
اليوم راح نديرو اللو بيا الخضرا
طبعا نجيبو اللوبيا وقصوها على اتنين ونحيو الراس من الجهتين نغسلوها ونفورهامن بعد نقليها في شوي زيت
ونحط عليها الماء حتان تغلي:
في هده الاثناء نروح نجيب البصل والطماطم كعب نقشرهم ونديرهم روندالات رقال هكدا كيما في الصورة او تاعي هاد البصل والطماطم وسنارية اي الجزر دوائر خخخخخ:
نحط البصل ومن فوقها الطماطم ومن بعد طراف اللحم او الدجاج انا هاد المرة عملتها بالدجاج ونزيد الماء حتان تتغطى كامل ونزيد عليها الزيت والملح والفلفل اكحل والفلفل احمر وراس الحانوت شوي برك وغطيها ونخليها تغلي حتان تلبي
وهاي ليكم في البرمة هنا مازالني ما حطيتهاش في الصحن:
وبالصحة والراحة على قولت اخواتنا المغاربة
في أمان الله في القريب مع طبق جديد ان شاءا لله ومستنيا طريقتكم
يعطيك الصحة اختى و بارك الله فيك
اول شيء حنا نسميوها zaligou ما نعرفش منين جابو هدا الاسم بصح هكا نسميوها
تاني شيء انا كل مرة نطيبا زي مرة بالصوص حمرة مرة بيضاء مرات نزيدلها البطاطا و الكوسة ….
بصح اهم شيء انو جي شايحة شوية ما فيهاش بزاف الصوص و نكترلها الثوم
المهم مادابيك تحطيلنا طريقة من الطرق الي تعمليها للافادة طبعا
واخيرا طليتي علينا بماكلة جديدة
اللوبيا الخضرا يخي هيا الفازولا عندنا
طريقة طهيها عندنا نفسها لي قدمتيها
تسلم الأيادي
|
مقتبسة من كلمة haricot vert يعني اللوبيا الخضرا .. حنا عربنا الفرنسية وعوجناها ههه
نطيبوها حمرا ولا بيضا
حمرا بالبصلة والثوم وطماطم حب مرحية مع طرف لحم ولا دجاج لي كاين تقليهم مليح ومن بعد تضيفي راس الحانوت والفلفل الحار والملح واخيرا المونجتو وتمرقي مع حبات بطاطا وقبل ماتطفي عليها ب 5 دقائق نضيفو قرن فلفل اخضر
ولا نطيبوها بيضا بالداجاج ولا اللحم لي كاين
حبة بصل مرابية مع شوية زيت ملح وفلفل اكحل والمونجتو نقلي مليح ونمرق غير بشوي ما قدر كاس .. ونغلق طنجرة الضغط ونخليها حتان تنشف المرقة
نقلي البطاطا ونقدمها معاها تجي هايلة
صور من الارشيف تاعي ههه
بام امين نورتي ونورت اللمة بطلتك الله يحيك
ولي عودة لشرح الطريقة
سميرة مشكورة يا حنونة وطريقة جديدة عليا الصراحة ولا مرة اكلتها غير بهاد الطريقة
ساندرلا والله ما على بالي واش اسمها عندك بصح راهي باينة الصورة والمفروض عرفتيها صح؟
ندى مشكورة على توضيح الاسم وعلى الطريقة تاعك انت ثاني والصور بينتها هايلة تاع الصح وان شاءا لله نجربها على قريب بس سؤال بالنسبة للحم اطيب مع اللوبيا والا حمرتيه وحدو هاداك شوا برك والا تاع البرما ؟؟
ام رحاب الله اخليك ومستنيا طريقتك اكيد