كل الاسرة جزائرية تتفضل 2024.

فكرة جميلة اختاه
بارك الله فيكي

ننتضر جديدك

مممممم فكرة مليحة و راني رايحة نبداها انا………
اولا نوض على الرابعة صباحا كيما ليوم نتصحر انا و دارنا و بعدها نروح نصلي الفجر و لابين ما ياذن الصبح نقرى القران الكريم جزئين باش نقدر نختم شحال من خترة و بعدها نصلي الصبح و نرقد…………….. حتى العاشرة ولا التاسعة نقضي كاش صوالح تاع الدار و بعدها نجي نزور بعض المنتديات و راكم عارفين النت يدي وقت………..نوصلها حتى الضهر نصلي و مبعد نقرى حزبين حتى العصر يجي وقت الطياب و انا صراحة مشي كل يوم نطيب لاخطرش ماما تحب تخدم كلش انا اذا طيبت نطيب غي الطواجين و احوايج اخفاف ولا ندير المطلوع……………كي نفطروا و يروح بابا للجامع كل وحدة دير صوالحها غسيل لماعن و لا تسياق الدار…….و احنا في عايلتنا السهرة بعد الثانية عشر ممنوعة…………هادي قوانين بابا………كي يجي من الجامع نقعدو شوية ناكلو الحلويات و نروحو نننوووووووووو………..رمضان في دارنا مشي كيما الناس مي والفنا كيما هاك لاخطرش عايتنا صغيرة…………و قدام لا نرقد لازم نقرى شوية قران……..هادا وش دير وردة غرداية دوكة دوركم انتو

هههههههههههههه اه فكرة رائعة

دورك نقوللكم بنت غليزان واش تدير

المهم صحا رمضانكم ومرحبا بيه

انا في رمضان نتفنين شويه الرقاد يغلبني ههههههههههههه نزعق نوض مي منتسحرش غير ماء ولا ثمر ولا فلن

ومن بعد نقعد نستى الفجر واحد 10دقائق نتوضاء نصلي ومرات نقرا قران ولا ندير القراءن نسمعه فالبورتابل

وراني نسمع حتى نخلص نرقد حتى 9ولا مرات نوض بكري الميناج نتاع الدار ونكمل والنات ديركت

بعد منقعد فالنات نصلي ونعاود نرجع للنات كي يجي بابا من الخدمه نروح نوجد الفطور نقلي البوراك ديما مرات

الخبز الدار والفلن والسلاطة هدوا في اسمي بيناتنا نهار نطيب حريرة ولا شوربة مايكلوهاش هههههههههههههههه
مشي منعرفش لالا يحبوا نتاع ميمتي تجي حلوه كي العسل صايي مرانيش نطيبها في رمضان تهنيت بعد مانجتمعوا

نستناو لاذان نصلوا نفطروا ونغسل الماعين ونروح للجامع نصلي التراويح وكي نرجع نلقى ضياف يسهروا عندنا

قلب اللوز والشامية والزلابية ………والتمر والمكسرات تنوض وحده فينا تدير سفوف للسحور مي مشي ديما غير

نهار الي يكون عندنا ضياف الان عائلتي متتسحرش المهم ونقعدوا قعدة زينه نتفرجوا برامج تاع البلاد ايه

ونكونكتي شويه نجيب 1نتاع اليل ونروح نرقد ونطيب قهوة ولا اتاي نسهروا عليه بابا تجهد فالجامع ولا فالبيت مع

الام والاخوة ولا مرات نخرجوا مور الفطور عند جداتي ولا الاحباب وهدي هي يامات رمضان

صحا فطوركم